مستعد تغيير الـ Mindset بتاعتك في التعلم؟

مجال الديزاين ومشاكلة وإيه مشاكل اللي بيدخل المجال جديد

بس أنا ما ديتكش الفكسد نمبر المفروض أن أنت تطلبه ما ديتكش المعلومة الواضحة والصريحة اللي أنت المفروض أن أنت منتظرها. يعني أنت داخل مثلاً تسأل عن التست الفلاني ده يا جماعة مفروض أن أنا هميجر إزاي أو إيه إيفالويت الرقم ده إزاي.

هديك الأسئلة اللي أنت بتبتدي أن أنت تسألها لنفسك. شوف أنت بترجم إيه، أنت بترجم كوليتيف داتا ولا كوليتيف داتا. أنت المفروض أن أنت ترد على الجزء ده إزاي، أنت هتفاليديت الرقم ده بعد كده إزاي عشان تأكد أن أنت أصلاً وصلت للرقم صح

-لو أنت في مجال اليو إكس أو بتتعلم أو شغال في المجال آخر شوية سنين كده موجودين أكيد هيصادفك كومنت أو اسم أو حد بيتكلم عن شخص أشرف عمران أو أشرف. يعني أنا ما رحتش مكان أو ووركشوب أو حاجة غير لو الناس بتجيب اسمه، وعلى الرغم من أن ممكن حد يكون بيتعرف كبراندنج بشكل ما بوزيشن ما. أشرف كان بالنسبة لي الوصف اللي أنا شايفه هو راجل ردود غريبة دايماً الرد بتاعه غير متوقع.

فالناس بقى بتوصفه بالجزئية دي فوصل لمرحلة أن تقريباً حسب ما أنا جاوبت أن فيه ناس ممكن تخاف تتكلم معاه أو تقلق تتكلم معاه ليه؟ بسبب طريقة الرد على السوشيال ميديا. تفتكر يا أشرف الرد ده أو الإيمدج اللي اتخذت دي حاجة حلوة ولا أنت اللي قاصدها ولا هي جات كده ولا إيه؟

-لا هو من ناحية هي جات كده، فهي جات كده فعلاً ومعرفش لحد دلوقتي ليه الناس ممكن إن هي تخاف ولكن أنا بحاول أن أنا أشتغل على الموضوع ده. فاللي عنده أي إجابة منطقية ممكن إن هو يقولها لأن أنا واجهت الموضوع ده مثلاً في علاقات كتير أوي، خصوصاً أن أغلب التيم اللي عندي مثلاً لما ابتديت أن أنا أدخل عليهم كشغل كان عندهم نفس المبدأ ونفس التفكير.

ولكن طريقة الردود اللي أنا بردها هي الفكرة كلها أن هي بتيجي من منطقي أنا في التفكير. يعني لما بيبتدي حد يدور على سؤال ما فأنا ما بديهوش الإجابة، أنا بخليك هبتدي أن أنا أديك العناصر اللي أنت تدور بيها. أنا إزاي بحدد الإجابة أصلاً عشان أنا ظروفي غير ظروفك أنت غير ظروف أي حد تاني موجود في المجال وده شيء طبيعي جداً بالنسبة لنا في أي واحد بيحل مشكلة. أنا لو هحل مشاكلك من وجهة نظري أنا فبالتالي أنا بحل مشاكلي أنا مش مشاكلك أنت.

واحد مثلاً داخل بيدور على كورس النهاردة، طب إنت بتدور على إيه؟ أنا بدور على واحد اثنين ثلاثة. طب خلاص ما تخشش تدور دور عند الإنستراكتور اللي أنت بتدور عليه. أنت جاي النهاردة بتقدم في شركة وعندك مصاريف واحد اثنين ثلاثة وقدر خبرتك في كذا.

طب خلاص ما ترجم دوت لأرقامه وابتدي أن أنت تتعامل بيه. الموضوع بسيط، مش هاجي أقولك أنت مفروض أن أنت تاخد في الشركة دي كذا لأن ده أمر غير طبيعي. طبعاً لا الليمت دوت موجود أو هو متعارف عليه بالنسبة لنا ما هوش العرف يعني. ولا أنت ظروفك تسمح لك أن أنت تكون زي حالتي أو أنا ظروفي تسمح لي أن أنا أكون زي حالتك إلا بقى لو أنا متعايش معاك في جميع يعني في كل حياتك اليومية وعارف مصاريفك ماشية إزاي واحتياجاتك ماشية إزاي وأبدأ أقولك آه والله المفروض أن أنت تاخد قد كذا. فده عمره ما هيتاح بالنسبة لي.

فأنا كل فكرة من الردود أن أنا ببتدي أديك الأسئلة اللي لو سألتها لنفسك هتوصل للإجابة من غير ما ترجع لأي حد وده اللي أنا بدور عليه في الردود عمتاً.

- أنا عمري ما توقعت الموضوع بالجدية اللي أنت ردت بيها دي حقيقي. بص يا هو الموضوع باختصار، أنا فاهمك بس أنت عارف أنت عامل زي اللي بيوقف الناس قدام نفسها. ما هو أنا لو موقفتكش قدام نفسك هديك إجابة غلط مش هتنفع لك وفي الآخر هترجع تقول لا هي اللي أنت قلته ده غلط مش مناسب بالنسبة لي أو الفعل اللي أنت قلته ده لا أنا ما عجبنيش الكورس اللي أنا خدته أو الشركة اللي أنا خدتها أو أنا دخلت الشركة لقيت فيه ناس بتقبض أكتر مني. فساعتها أنت هتلوم نفسك مش هتلومني انا.

- يعني مش كل الناس اللي بتصادفها مع نفسها بالحتة دي قوي بس خلينا هنجلها تاني وإحنا في موضوعنا.

- بس أنا ما دتكش الفيكست نمبر المفروض أن أنت تطلبي، ما دتكش المعلومة الواضحة الصريحة اللي أنت المفروض أن أنت منتظرها. يعني أنت داخل مثلاً تسأل عن التست الفلاني ده يا جماعة مفروض أن أنا هميجر إزاي أو إيه أفيالوويت الرقم دوت إزاي. هديك الأسئلة اللي أنت بتبتدي أن أنت تسألها لنفسك. شوف أنت بترجم إيه، أنت بترجم كوليتيف داتا ولا كوانتيتيف داتا. أنت المفروض أن أنت ترد على الجزء ده إزاي، أنت هتفاليديت الرقم دوت بعد كده إزاي؟

عشان تتأكد أن أنت أصلاً وصلت الرقم صح. أنت بترجم إيه؟ أنت بترجم كواليتيز بتاعته ولا كوانتزيز بتاعته؟ المفروض أن أنت ترد على الجزء ده إزاي؟ أنت هتفاليديت الرقم ده بعد كده إزاي؟ عشان تأكد أن أنت أصلاً وصلت الرقم صح؟ إنما هي الفكرة كلها مش استنبة هتبتدي أن أنت تتراست فيها لو أنا حطيتلك الاستنبة دي يبقى إحنا كده ما بنعملش أي حاجة إحنا بنكرر نفسنا زي أي آلة وده اللي إحنا ما بنعملوش أصلاً لا أنت ولا أنا.

إحنا بنعمل ده في حياتنا اليومية بالنسبة للشغل. لا أنت كل كيس وكل اندستري مثلاً بتشتغل فيها انت التستس اللي أنت بتشتغل بيها بتختلف. بتختلف في طريقة الميجرمنت بتاعتها، بتختلف في طريقة الفاليديتيج بتاعتها، بتختلف في طريقة الديكومنتنج بتاعتها على حسب الكالتشر اللي أنت موجود فيها.

مش هتيجي على شركة مثلاً بتصحى النهاردة لسه الناس اللي موجودة فيها الجونيورز أو متعوديتش على الديكومنتيشن وهتقولهم يلا نعمل بقى شغلنا كله على الجير ويلا هنشتغل سكوم ويلا ويلا ويلا نعمل كل ده.

الارنابيليتي كيرف عنده هو مش مناسب إن هو يعمل ده. فأنا لما أسألك طب أنت عندك خبرتك إيه في طريقة التعامل مع الحاجات دي؟ والناس اللي موجودة معاك في الشركة هتبتدي أن أنت تسأل لنفسك السؤال ده. لا أنا مش جاهز أن أنا أبتدي أن أنا أدخل جير. طب خلاص خلينا على قدنا في نوتشن أو خلينا على قدنا في مش عارف إيه. هتبتدي أن أنت لما ترد على نفسك في الأسئلة دي هتعرف الكابابليتيز اللي موجودة عندك، هتعرف إيه المتاح بالنسبة لك وإيه اللي مش متاح بالنسبة لك.

- طيب يعني أنت دخلتنا حتة أبعد من حجم السؤال بس هي الأسف المنطقية في الموضوع أو ده الحقيقة اللي المفروض الناس تبقى فاهمها برضو من وجهة نظري. الأسئلة المتكررة والأسئلة البدائية وكل حاجة الناس بتسأل فيها كل يوم تقريباً بيبقى البوست اللي تحت منه في الجروب وبيدخل يسأل نفس السؤال برضو اللي هو إحنا عايزين بقى نشوف الكلام على إيه.

فا ياجماعة هو المجال بيبدأ منين؟ إحنا نبدأ منين؟ هو فيجما ولا إكس بي؟ انا عارف إن الموضوع البدائي ده بيبقى مرفوض جداً فوق الخيال يعني بس في الأول وفي الآخر يعني للأسف ده موجود يعني الشريحة دي موجودة ومش هتنتهي أصلاً طبيعي.

- وإحنا بطلنا إننا نرد عليها خلاص ما بقيناش بنرد عليها. أو انا ما بقيتش برد. يعني هي الفكرة كلها إن اللي هيبدأ حياته بسؤال أو هيبدأ المهنية بتاعته بسؤال في ظل العصر اللي إحنا فيه ده اللي هو أنت الكونتنت موجود عندك. آه أي نعم ده ممكن يؤدي لتشتيت ولكن على الأقل هتاخد الفرست ستبس وبعد كده تيجي تسأل. مش هتبقى لسه ما قدمتش أي خطوة وبتسأل لأن ده أكتر كونتنت هتلاقيه موجود فور فري وهو اللي بيدور عليك مش أنت اللي بتدور عليه.

يعني أنت لو دخلت النهاردة جوجل ابتديت أن أنت تسيرش مرة واثنين وثلاثة وما وصلتش لحاجة، أنت هتلاقي بعد كده الكونتنت ده بيدور عليك على السوشيال ميديا. دخلت اليوتيوب هتلاقي فيه فيديو مستنيك بيقولك إزاي تبدأ. دخلت الفيسبوك هتلاقي فيه أعلان موجود بيقولك إزاي تبدأ وإيه دي فايدة اللي SEO بقى موجود دلوقتي. خلاص أنت كل الناس بقيت بترجيتك مش أنت اللي بترجيتهم، مش أنت اللي بتدور على الكونتنت فين؟ بس؟

- طيب خلينا بقى نروح للحتة الأسهل شوية. مين أشرف؟ يعني لو عايزين نقول دلوقتي بعد الملحمة اللي أنت بدأت بيها دي مين أشرف عمران؟ جيت إزاي في المجال؟

- أنا جيت إزاي في المجال ده؟ أنا جيت في بداية 2012 أو في أواخر 2011 اشتغلت كـ UI Designer. طبعاً مش هنتكلم في الحاجات التانية اللي هو الجرافيك و بتاع مش عارف إيه واللوجو والبراندنج والكلام ده عشان ده مش هو الموضوع النهاردة.

أنا بدايتي كانت في أواخر 2011 في بدايات 2012 كـ UI Designer وبعد كده ابتديت أن أنا أشتغل كـ Visual Designer شوية وابتديت أن أنا أتعرف على الـ UX أكتر. كل ده كان Solo Designer ما كانش معايا أي حد يعني أنا موجود في شركة أنا Standalone بمعلومة صح زي ما بيقولوا. وبعد كده رحت لشركة اسمها The Red Foss في التجمع الخامس قعدت فيها أربع سنين، سافرت ما بين الكويت والإمارات سنة ونص وبعد كده خدت الكورونا ورجعت. وحالياً أنا شغال ريموتلي فقط.. اشتغلت في شركتين، اشتغلت في شركة شباك وحالياً أنا في Deal App في السعودية. شبك في السعودية وDeal App في السعودية.

- أنت ما بتحبش المصريين عارف.

- غريب امركم ايها المصريون.

- ماشي أنا عارف أنك واخد عهد على الموضوع ده فتمام.

- لا هو مش مبدأ عهد أو هو مش رول أنا ماشي بيها ولكن هي الفكرة كلها يعني أنا ليه ستاندرز في حياتي لو هتوفرهولي شركة مصرية وأنا أقدر أن أنا أفيدهم يعني ليه لا؟ أنا موافق أن أنا أكون في شركة مصرية معنديش أدنى مشكلة معنديش باندك مثلاً على جنسيتي دي حاجة تسعدني جداً أن أنا أكبر في شركة وأن أنا أكون موجود في شركة وأكون جزء من كيان موجود في مصر وموجود في البلد اللي أنا فيها لما أبقى ماشي في الشارع مثلاً وألاقي على بيلبورد محطوط عليها إعلان في الشركة اللي أنا شغال فيها هبقى فرحان بيه ودي الحاجات كلها يعني أنا ما بحسش بيها وما بقدرش أن أنا أفتخر بيها لأن أنا بشتغل في دولة تانية أصلاً.

فلو ده دخلي أنا ابقى سعيد جداً.

- فهمتك آه فهمتك طيب يعني خلينا ناخد الموضوع في كذا اتجاه هنبدأ بالجانب الأول واللي هو اللي دايماً بيبقى منبع المناوشات اللي بتحصل موضوع الكورسات زي ما أنت قلت من شوية أن الحاجات اللي موجودة أو الماتيريال اللي موجود بقت كتير ممكن تكون دلوقتي هي سبيل للتشتت في بعض الأحيان ولكن دايماً أنت قلت برضو إيه هي هتوصلك على الأقل أو تخليك توصل للفرست ستيب أنت عارف المجال على الأقل هتسأل سؤال تكنيكال هتبقى فاهم معناه وهكذا.

إيه نظرتك لموضوع التعليم اللي حاصل بعد الهوجة اللي حصلة دلوقتي نتديها اللفظ المنطقي بتاعها هوجة الكورسات اللي حصلة وإزاي بقى لو واحد بيبدأ النهاردة يتفادى المطبات اللي بتحصل دي وأنه هو يقع في حد ما يشرحلوش أو يسهل له الدنيا ويقول له هتشتغل بـ 2000 دولار بعد أسبوعين والكلام الكبير ده.

إزاي الناس تبدأ البروسيس صح؟ وإزاي يستفيدوا من الخطوة الأولى؟ يعني لو فيه جايد هيتقالهم ابدأ.. تبدأ إزاي؟ أو اتعلم إزاي؟ أو اختار إزاي؟ أنا عارف أنك جاوبتني على السؤال ده قبل كده في أكتر من مناسبة يعني وجاوبت الناس فيه ولكن خلينا نلخص الموضوع هنا بشكل مرتب.

- انت جي تسلمني للانستراكتورز ها؟ طيب خلينا نقسم السؤال لحيتت عشان السؤال ده هيبقى واسع مننا كبير أوي تمام. السوق ملهوش ستاندرد يعني فكرة أنه كل واحد بيبدأ بكورس فهو بيبدأ بالكورس اللي هو شايف أنه هو من وجهة نظره ده الصح كإنستركتور مش كمتعلم يعني أنا هاجي هحطلك الكونتنت واحد اثنين تلاتة وهبقى شايف أن هي دي المبادئ اللي أنت المفروض أنك تمشي بيها تمام ده وجهة نظره هو صح.

وجهة نظر بقى الطالب أو الشخص اللي هيجي هيدرس المفروض أنها تكون بناء على إيه أنا المفروض أن أنا ببص على الشخص اللي المفروض أنه هيدرسلي ده هو عمل إيه في حياته؟ لأن أنا عشان أدرس تحت إيدك فالمفروض أن أنا أشوف حاجتين أشوف قدرتك على توصيل المعلومة وأشوف أنت جايب معلومتك دي بناء على إيه؟ ما هو أنت مش هتاخذ المعلومات من الكتاب وهتيجي تدرسهالي لا هو المفروض أن هيكون فيه إكسبيرينس باكجراوند موجودة عندك وفعالية تقدر أن هي تثبت الكلام اللي أنت بتقوله ده.

لو أنت جاي تقول الكلام ده من كتب فهو أنا ممكن أن أنا أقرأ الكتاب وهي معلومات من شخص ثالث أساساً لا هو أنا ولا هو أنت. فأنا هدور على الإنستركتر هدور على الباكجراوند اللي موجودة عنده هدور على الكونتنت اللي موجود ده وهل هو بيتوافق مع ناس تانية ولا لا..

يعني أنا موجود مثلاً قدامي خمس كورسات موجودين في السوق هل الخمس كورسات دول بيتوافقوا في الكونتنت كتيتلس كهيدلاينز يعني كل ناس مثلاً بتقول أن أنت هتبدأ أن أنت تدرس تايبوجرافي هتدرس الكالورز هتدرس الجزء بتاع الانفرميشن أركيتكشن هتدرس الفيجوال هيراركي هتدرس اللينيو إكس وهتدرس الديزاين سبرينت وهتدرس كل الكلام ده فخلاص يبقى أنا متفق كده أن الكونتنت بتاع كل الناس دي سليم. فأنا هدور على بقية النقط اللي مفروض أن أنا أدور عليها..

إحنا موجود الكلام ده عندنا في مصر بشكل كويس أو لا؟ فمعتقدش أن أنا محتاج أجاوب السؤال ده على قد ما إحنا محتاجين إن إحنا نبص على الخارج اللي جاي من ناحية الكورسات هل هو يتوافق مع احتياجات السوق أو لا؟ زي ما كان موجود في العملية التعليمية بتاعة التعليم الجامعي بالظبط. أنت بتيجي توصل لمرحلة أنك اتخرجت خلاص تيجي أول ما بتبدأ أن أنت تشتغل لو هتشتغل بشرط يقولك أنسى بقى كل اللي أنت اتعلمته وتعالى على صفحة بيضة معايا ليه؟ لأن هو مش واثق أصلاً في اللي اتعلمه في الجامعة اللي موجود على أرض الواقع شيء واللي موجود في الجامعة شيء أخر الكونتنت النظري غير الكونتنت العملي اللي المفروض أنه هو هيشتغل بيه. فأحنا مش عايزين أن إحنا نوصل لنفس المرحلة دي، وإن كانت إحنا نسبياً موجودين فيها دلوقتي تدرس حاجات موجودة في الكورس تيجي في وقت الشغل لأن أغلب الناس الموجودة كجونيورز أو الناس اللي بتاخد ترينينج محبطة لدرجة أنه بيقولك أنا مبطبقش حاجة من اللي موجودة في الكورس.

طيب أنت ما بتطبقش حاجة من اللي موجودة في الكورس دي ما سألتش نفسك ليه؟ هل الإنسراكتر هو اللي كان صح ولا الشركة هي اللي صح؟ طيب الشركة ستابل وبتحقق ريفينيو كويس، وموجودة مثلا في المجال بقالها خمس سنين أو ست سنين موجودة في الماركت. طيب هو مين اللي صح؟ والله أنا بالنسبة لي إن الشركة هي اللي صح لأنها أوريدي ستابل في الماركت طالما هو قادر إنه يشتغل وهو شايف وانت شايف إنه بيشتغل غلط بس هو ستابل في الماركت يبقى هو صح هو حقق الفاليديشن من إن البروسس بتاعته مظبوطة.

- أنا متفهم الكلام ده جدا. وبحكم إن انت عارف إن أنا شغال في حتة الكورسات دي من زمان فأنا عارف يعني أنا مبارح واحنا متكلمين في نقطة زي دي من كام يوم واحنا بنجهز للبودكاست امبارح حصل موقف والكلام ده كان نازل على جروب والناس كلها بتشوفه اللي هو يا جماعة أنا محتار ما بين كذا ما بين كذا وشفت الكونتنت عند الاتنين والناس كويس أروح فين؟ ما هو برضو كل واحد هيقولك تجربته الشخصية محدش هيقولك حاجة مفيدة.

- هي فكرة اروح فين دي هي لوحدها اصلا مشكلة اللي هو انت منتظر ايه لما انت شايف ان الكونتنت عند الاتنين واحد؟ وانت معجب مهنيا بالاتنين انستراكتورز الموجودين. طب انت بتدور على ايه؟ ايه الإجابة انت منتظرها من الناس عشان ترضيك؟

- بص هو اعتقد يعني هو البيهيفيرز بتاع الانسان في الحالات اللي زي دي هو بيبقى مستني ان حد يزقه اللي هو انا مرحش لوحدي برده انا موقعتش نفسي، انتوا اللي رشحتولي فاهم. فا في ناس كده.

- انت كده بتوديني في داهية، انت جاي تشيلني انا الحمل. لا انا مش هشيله.

- الموضوع ده شائك شويتين تلاته.

- احنا بنتكلم عن تلت تربع الانستراكتورز دلوقت.

- الموضوع ده شائك فعلا وابتدا يتحط فيه حاجات كتير انا قولتلك قبل كده للاسف الشديد فيه ناس اعرفهم كانو بيتعلموا عشان يبقوا محاضرين.. يعني بياخدوا كورس عشان يبقوا محاضرين في شركات موجودة في السوق.

- بتديله دخل وهي مهنة في حد ذاتها، فهي الفكرة كل واحد هيقولك أنا مش عايز أدرس عشان أبتدي أن أنا أشتغل بإيدي لا أنا عايز أدرس عشان أدرس.

- أنت فاكر بما إنك في الحتة دي بقى من 2012 فكان فيه كورسات كده لها دبلومة الجرافيك. فوتوشوب وبريمير وأوديشن بخمسمية جنيه في الدوقي.

- ده ممكن ندرس وده ممكن نذكره عادي خالص مش هيحصلنا أي مشكلة وفخصم 70% طول شهور السنة. لأي سبب معدي إحنا هنعمل خصم 70%.

- فهو تقريبا تقريبا يعني برضو بشوية شياكة كده داخلين على نفس المرحلة دي في اليو اكس.

- هي المرحلة دي Already إحنا موجودين فيها بقالنا فترة من ناحية الجرافيك وموجودين فيها من ناحية البرمجة ويمكن أنت شفت ده الفترة اللي فاتت كتير لأنها زادت قوي في شركات البرمجة أو زادت في إنستركتورز البرمجة سواء بقى في ديفوبس أو أنت هتتعلم فلتر أو أنت هتتعلم ويب دفلوبيمنت أو حاجات كتير قوي موجودة فيها من ناحية الديفولبمنت. اليو اكس هل هيوصل المرحلة دي أو لأ فدي ممكن تكون صعبة شوية على نفس النطاق يعني على نطاق واسع زي الديفولوبيمنت أو زي الجرافيك ديزاين لأنه هو احتياجات الاتنين دول في السوق أكبر بكتير من الاحتياج لليو اكس ديزاين.

- وفيه حاجة كمان مهمة برضو بقى إن دي من وجهة نظري الشخصية إن اليو اكس اللي مخلي الناس مش عارفة تمسك الموضوع ببرنامجين تلاتة زي الفوتوشوب والحاجات دي في الجرافيك إن الكونتنت نفسه بيتطور كل تلات شهور تقريبا. أنت لو قعدت تذاكر حاجات فأنت كل حاجة بتزيد كل حاجة أنت بتروح تذاكر كورسات مثلا أو تقرأ مقالات تلاقي المقال ده نزل من 2016 إحنا متأخرين سبع سنين وراء مثلا.

فالناس ما بتلحقش تأبديت فالمجال صعب شوية على شوية ناس وأنا أعرف ناس فتحت وقفلت حرفيا بسبب إنه ملقاش حد يكفر السوق.

- مظبوط وصراع التولز ما بينهم وما بين بعض والأبديت المستمرة اللي موجودة على طول وإحنا مش عارفين إن إحنا نكيب أب معاها أصلا.

أنت النهاردة لو دخلت شركة وابتدأت أن أنت تتعامل مع تول لمدة سنة أو سنتين على حسب مدة العقد بتاعتك وقررت إن أنت تنتقل وتعمل شفت لشركة أكبر أو لاندستري مختلفة فانت هتلاقي ان هم بيتعاملوا مع تول تانية انت مطالب ان انت تتعامل معاها من البداية ليه؟ لان انت لما اتعاملت معاها قبلها بسنتين كانت مختلفة تماما عن التول اللي موجودة دلوقتي.

- ده لو مكنش تول تانية أساساً.

- ده بقى لو تول تانية أصلا فانت بتلاقي ان انت في حاجات تانية مختلفة تماما عن اللي انت كنت بتدرسها. مثلا لو انت كنت بتذاكر قبلها بسنتين وكيبت اب مع كل التولز اللي موجودة في الماركت كأناليتكس تول مثلا أو كديزاين تولز..

يعني أنا مثلا واحد من الناس دلوقتي أنا ما تعاملتش مع أدوبي اكس دي بقالي أكتر من تلت سنين.

فأنا لو فتحت ادوبي اكس دي انهاردة أنا لا أفقه فيها أي شيء أنا مش عارف التولز كانت فين أنا مش فاكر الشورتكات بتاعتي فين فأنا مش عارف إي حاجة، لو دخلت شركة انهاردة فيها ادوبي اكس دي فأنا عايز بقى شهر وشهرين كده على ما إيدي تبتدي أنها تاخد مع التول نفسها فالابديتس السريعة دي بتخلي الكونتنت دايما يعني فريش.

- طيب بص باختصار كده لو حد هيسألك سؤال وبعيدا عن أنك هتروح تقولوا سيرش لو حد هيبدأ النهاردة في المجال اعتبرها نصيحة يروح ويعمل إيه؟ دايريكشن بس..

- أبيض أبيض؟

- يعني حد واحد سمع عن المجال وعايز ياخد كارير و وعايز يشتغل فيه؟

- لا ما هو أنا لازم أعرف البني آدم يعني أنا لازم أعرف البني آدم طريقته في التفكير ماشي إزاي أو إيه هي قدراته.

هل هو راجل منطقي بيدور على المنطقية دايما في شغله فهيبتدي أنه هو أدخله من الجانب بتاع الـ UX.

ولا هو راجل فيجوالي يعني هاي فيجوالي بيرسون اللي هو بيبتدي أنه هو يشوف الفروق الموجودة في الصور بيقدر أنه هو يحللها بسهولة. طيب فأبتدي أنه أنا أدخله من ناحية الـ Tool وأقوله أنت تبتدي أن أنت تشوف التصميم الموجودة قدامك وتعرف هو ليه عمل كل حاجة وتسأل نفسك الأسئلة ديت فساعتها هو هيبتدي أنه هو يجزر الفيدباك أو يجزر الـ Decisions اللي حصل behind the scene منه لنفسه من غير ما هو يرجع لأي حد.

يعني أنا النهاردة فتحت Checkout Process على Apple وابتديت أن أنا أشوف اختلاف التصاميم فهلاقي أن في مكتبة كبيرة جدا من الاختلافات. فأنا هبتدي أن أنا لو أنا شخص أعرف أكمبير الحاجات فيجوالي هبتدي أن أنا أشوف إيه الاختلافات وكل واحد عمل الحاجة اللي هو عملها دي ليه ومن اللي فيهم منطقي ومن فيهم مش منطقي. لو أنا بفكر بمنطقية فأنا هبتدي معاه بالجانب بتاع الـ UX واللي هو إحنا ليه بنفكر في الـ UX.

طب الدنيا إزاي بتشتغل طب أنت بعيدا بقى عن أي ميثودولوجيز يعني أنا مش بتكلم في أن أنا هدي له UX ميثودولوجيز وأبتدي أن أنا أحش معاه في الـ Double Diamond وبتاع مش عارف إيه والكلام ده لا أنا هخش معاه الأمور بسطحية تامة اللي هو أنت ليه بتدور على كده.

إحنا كل اللي إحنا بندور عليه هو الـ User. طب خلاص أنت عرفت أنت بتتعامل مع الـ User إزاي طب تعال بقى بلانس ما بين الـ Revenue والـ Business والـ User. طب خلصت الجزء دوت طب تعال بقى نشوف الميثودولوجيز اللي موجودة من وراء العظماء اللي كانوا موجودين قبلنا قالوا إيه. إنما ما تبتديش بالميثودولوجي فتحجم التفكير تماماً لأن أنت ممكن البني آدم اللي جاي دوت يكون عنده طريقة تفكير منطقية تساعده بعد كده في أنه هو يشتغل.

إنما لو أنت صديته في قالب من قبل ما هو ما يبتدي فالموضوع انتهى بالنسبة له خلاص هو أخد الـ Standard ده أو أخد الـ Template اللي هو هيشتغل بيه دوت بقى بيطبقه في كل حاجة مابقاش بيدور على أنه هو يفكر أصلاً المفروض أن يحصل إيه؟ فا بجهزه على حسب عقليته هو بتشتغل إزاي على إيه اللي بيأتركت تفكيره أصلاً.

- تمام ده تقريباً أكبر أو أحسن إجابة شمولية سمعتها في حياتي تقريباً.

- الله يكرمك الله يكرمك.

- بعيداً عن بقى الـ Roadmaps وتعالى وروح ويجي لا تعالى بقى في المينتيك نفسها. طيب هنروح بقى للجزء العملي أو التواصل للسوق.. مرحلة السوق وناس كتير أنا بقدم على الشغل وما بتقبلش أنا مش عارف إيه. طب أنت قرأت الـ Description؟ لا.

طب أنت في ناس شاطرة بس بتاخد الحاجات اللي الـ HR منزلنها غلط ويعملوا ميمز عليها بس هو طول النهار بيعمل Easy Apply عشان مايقراش الـ Description أساساً عشان ميملاش فورم. فهل الصح إن أنا أقدم على شغل كتير؟ وفيه جزء تاني من السؤال هاناخده بعدها اللي هو الشركات ما بتردش وحاجات كده فالمشكلة فين؟

- طيب هي شايفينك بتاخد إن المشاكل دي بتكون من أول صفر إكسبيرينس لتلات سنين إكسبيرينس تمام بعد كده هيختفي تمام. لأن انت بعد كده الموضوع بيمشي ريكومينديشنز وهيد هانتينج وضرب تحت الجزام كله بمعنى أصح. مبتمشيش بجوب ديسكريبشن وجوب ابلاينج والكلام دوت. فكرة الجوب ديسكريبشن ما تدورش عليها وهي مكتوبة اطلاقا غير لو الشركة دي بتقبض بالدولار. غير كده هو بتتحط كستامبة ما بيتغير فيها اي حاجة.

احنا عايزين حد بيشتغل على التول الفلانية. احنا عايزينه بيعرف يكون هارد وركر. احنا عايزينه يكون تيم بلاير. احنا عايزينه يكون مش عارف ايه. طب انت عايز واحد تيم بلاير ليه وانا اصلا الديزاينر اللي هيكون وحيد موجود في الشركة. هتعمل بي ايه التيم بلاير في الجزئية ديت؟ هتلاقي حاجات كتير غير منطقية اطلاقا. انا اتضايق او لأ من ان انا الشركة ما تدينيش فيدباك او ما رجعوليش اصلا بروجكشن او بابروفل او بالكلام دوت.

فديه لها اسباب كتير جدا والناس بتتضايق منها ولكن هي ما بتتضايقش اطلاقا. يعني اعتقد في الفترة من الزمن انا قدمت في اكتر من عشرين او تلاتين شركة وانا اوريدي كان معايا اكسبيريانس ومحدش فيهم رد. بس السبب ايه؟ السبب مثلا ممكن تلاقي ازمة اقتصادية. لغبطة موجودة في الماركت. موسم المفروض ان هو يكون فيه فاندس كتير فهم مش فاضيين للهيرينج دلوقتي. اجازة الهب بتاع الاتش ار.

اجازة سنوية للهب بتاع الاتش ار. فمردش لمدة شهره مثلا. ففيه اسباب كتير جدا بتكون غير ان انت اصلا مش مناسب للشغلانة دي. طب تعال بقى للاسباب اللي انت مناسب لها. انت ممكن تكون مناسب ولكن انت اوبر كواليفايد. انا مش بدور على حد في الرنج دوت عشان انا عارف ان الرنج دوت هياخد مني مرتب اعلى. انا بدور على حد يكون مهتم اكتر باليو اكس مش مهتم باليو اي. انا بدور على حد يكون مهتم اكتر باليو اي مش باليو اكس.

انا بدور على حد يكون بيشتغل بادوبي اكس دي مش شغال على فيجما. فدي كلها عوائق ما هياش تقصير منك. وبنفس الوقت يؤدي للريجيكشن. طب انا الشركة ما ردتش علي. هل دوت انا كده انا مش كويس؟ دي اجابتنا في ان انت تبتدي ان انت تبند الكوميونيتي بتاعتك حواليك. لما تكون انت موجود في كوميونيتي انت هتبتدي ان انت ترسم بار كده تبقى عارف انت موجود فين فيه.

انا الاكسبيرينس بتاعتي واحد اثنين تلاتة. انا شايف نفسي مثلا في حد احسن مني وفي حد اقل مني. انا عارف ان انا بقيت موجود هنا. ده هايرسملك البار بتاع الاكسبيرينس كويس وهتعرف انت مكانك فين عليه. وهايرسملك البار بتاع السالريس كويس وهتعرف انت فين عليه. بس.

- تمام.

يعني الجزء دي شوية ان الناس بتاخدها بشكل عصبي اللي هو انا مش ناجح انا فاشل انا مش عارف ايه كلام ده. وانا ببقى متضايق اللي هو انا حصل معايا نفس الموقف اللي انت قلته. قعدت فترة بقدم على شغل. وفعلا ما كانش فيه اي رسبونس بشكل مختلف لدرجة ان فيه ناس بعد ما عملتلي اكسيبت ما بعتتش الاوفر. فيه ناس بعد ما بعتت الاوفر حصل يوم مشكلة في تعويم تقريبا قالوا مش هينفع نريز.

فحصل مشاكل من دي فعلا حطتها بشكل كان ناس من حوالي ستة شهور. وفجأة لقيت فيه ناس انا في الكنسدريشن من ست شهور. لقيتهم بيكلموني. وانت بتعمل ايه؟ احنا مستعجلين. وفعليا انا في شركة من الشركات عملت فيها اربعة انترفيوز في اسبوع. اللي هو في واحد منهم اتقبلت وانا هناك. قالوا لي بكرة التاني. انت فاهم؟ ده حصل حرفين.

فانا متفق معاك مليون في المية ان الناس محتاجة تهدى وتفكر وان الاسباب كلها مش فيها. بنفس الوقت يبقى مجهز نفسه للشغل برضو. يعني مش بيدور على شغل على خمس سنين سنيور. وهو اول مرة يشتغل وعمل مشروع واحد على بيهانس اساسا. فالموضوع بيبقى هزلي في الموضوع ده.

- هو المشكلة في السوق عندنا ان احنا بنترحم على نفسنا اصلا. احنا مش عارفين ان احنا اغلب الوقت بنحط الجوب ديسكريبشن المظبوط. يعني انا واحد من الناس لو جيت علي النهاردة هاهير. فعشان الموضوع هيبقى طالع من عندي فانا هبقى عارف احتياجاتي ايه في التيم. انا عارف الناس اللي تحت مني هتكون الاسبوت اللي نقصاني فين. هل انا محتاج حد سينير ولا انا محتاج حد جينيور ولا انا عندي الوقت الكافي ان انا اجيب حد يكون لسه جديد ولسه فريش فهبتدي ان انا اديله من عندي وفي نفس الوقت هياخد المينتالتي بتاعت التيم من عندنا..

وهتبقى هي جديدة عليه و هتبقى سهلة بالنسباله وهقدر ان انا اديله في الوقت دوت وبعد كده يبتدي ان هو يدخل معانا الكاباستي بتاعت الشغل. انما اغلب الشركات بتدور على الموضوع من ناحية الاتش ار. فالاتش ار معندوش اي فكرة او اغلب الاتش ار اللي من رحم ربي. ما بيكونش عنده أي فكرة الشخص اللي المفروض أنه يجي ده هيكون عامل إزاي؟ هو جاله مشكلة إن فيه shorting في الـ capacity بتاعت الـ UX team أو الـ product design team.

طيب إحنا عايزين نهير حد هنهير حد إيه؟ ما هو ما يعرفش هو حط الـ job description copied من أي حتة أو إنه هو كتبه من الموجود عنده على أساس الـ tools اللي هم بيستخدموها والاحتياجات اللي هم كتبنها بس في نفس الوقت هو مش عارف هو محتاج experience قد إيه. ونقطة تانية مثلا تكون سيئة جدا موجود عندنا هي جزئية الـ salary أو الـ expected range اللي مفروض إن أنا أحط الشخصيات اللي جاية دي عليه. هو أنت ممكن إن أنت تقول أنا عايز أخذ واحد اثنين تلاتة بس الشركة مش هتقولك هي الـ range اللي مفروض إن أنت موجود بالنسبة للـ position ده قد إيه؟ ودي نقطة سيئة جدا بالنسبة لنا مثلا في أغلب الشركات المصرية أو أغلب شركات الوطن العربي كمان. انا بخض ومعرفش انا في الرنج اللي انتو متوقعينه ولا لا.. طب ما تسهل عليا الامور وقولي الرنج اللي موجوود بتاعتك من البداية.

- وقولي البوزيشن ده انت حاطط ليه بادجت كام وخلاص.

- يعني انا المتاح بالنسبالي من كذا لكذا انا لو متوفق معايا الرنج ده هقولك تمام، هو التخوف بقى ان انا اكون جاي اطلب رينج اقل اصلا وانا عندي الاكسبرينس اللي هما منتظرينها. وده الجانب السيئ الموجود مثلا عندي، اني اقول حاجة زي كده بس هو دوت التوقع الوحيد الموجود بالنسبالي، اللي هو انت بتخفي الليمت أو بتخفي الرينج دوت عشان انا لو طلبت اقل منه هتحس ان انت خلاص انا عملت حاجه صح. بس كل اللي انت عملته انا هخش الشركة لو انا موجود مده العقد وانا راجل قررت انا التزم بالعقد بتاعي وعرفت بعد كده إن الـ ranges مختلفة بالنسبة للـ market.

أنا همشي بعد ما هني العقد لو أنا شخص مش كويس أو أنا مش عايز أكمل العقد بتاعي أو أنا ما عنديش مهنية كافية في إن أنا أكمل العقد بتاعي همشي أول ما يجيني offer تاني من شركة تاني ليه؟ لأن أنت في البداية والنهاية أنت مدتنيش حقي اللي اللمفروض إن أنا أخده من الأساس.

- أنا مببقاش فاهم الـ HR هو مش دافع حاجة من جيبه هو انت بتوفر على الشركة فلوس.

- في بعض الناس بتفتكر إن هو كده يعني أنا عملت جميلة في الشركة أنا قللت الـ cost يعني أنا جبتلكم الـ expectations بتاعتكم بالنسبة للشخص اللي هييجي واللي هيبتدي إن هو يدير الشغل. وفي نفس الوقت أنا قللت الـ cost هي مش منطقية إطلاقا إن أنت تبتدي إن أنت تقلل في الـ salaries عشان تبتدي إن أنت تقلل في الـ cost و هامش ربح كويس.

دا آخر حاجة تبتدي إن أنت تفكر فيها لأن أنت ممكن تستثمر في الـ salaries بتاعت الناس وتقللك في الـ cost بتاعت الـ assets والـ tools اللي هم بيستخدموها. هينقلك في دورة الشغل ممكن في ناس مثلا بتجي في بداية شغلها هي بتفلديد كل number هي بتفلديد كل metric موجود معاها في واحد experienced ممكن يجي هو already عنده طرق تانية ملتوية يقدر إن هو يفليديد بيها ومش محتاج إن هو يفليديد في بعض الأماكن.

ليه making sense؟ ليه أنا experienced وإنت جايب واحد experienced عشان كده جايب واحد senior أو جايب واحد lead أو جايب واحد experienced عشان كده عشان هو عنده خبرة في الجزء اللي هو جاي يشتغل فيه ده اللي هو مش هيشرت عليا الـ time يبقى هو مافيش فايدة من الـ experience اللي موجود عنده.

بص الموقف ده حصل من حوالي خمس أيام كنت برشح حد junior يعني في شركة والشخص لسبب ما أنا معرفهوش قال salary قليل وفي ناس تواصلت معايا من جوه الشركة. أيمن هو أنت اللي قايل ال salary ده قلتله هو كام salary قالي كذا قلتله لا مستحيل.

طبعا ليه هيعمل بيه ايه ده؟ فعشان يحطوا الـ CV في وسط الناس اللي مقدمه دربوه في الـ 100% خلوه double عشان بس يبدأ يبقى في الرنج بتاع السوق من كتر ما الشخص مكنش بيتكلم في حاجة منطقية جدا أساسا كان طالب رقم اللي هو مفيش. فدي فعلا حصلت بس من حسن الحظ إن ربنا وقع الشخص ده في شركة محترمة.

- بالضبط. أنا ممكن أقولك في البداية ممكن إن هو يكون مبيدورش على المرتب قوي يعني ممكن إن هو يبتدي يدور إيه أنا مين الـ team اللي موجود معايا؟ أنا موجود مين الـ players دول؟ أنا الشركة دي اسمها عاملة إزاي؟ أنا مين الـ team lead بتاعي؟.

دي حاجات في البداية هتوفرعليك كتير جدا أكتر ما هتوفر أكتر ما أنت هتكون بتدور على العائد المادي اللي من وره. طبعا مش معنى كده أنك مش هتدور على المرتب ده إنت هتكون بتدور على العائد المادي اللي من وراه.

أنت مش هتتغدى وتفطر إكسبيرينس. التيم ليد مش هياخدك عنده يغديك. أنت كده كده عليك التزامات وعليك مصاريف وعليك احتياجات مادية لازم هتوفيها، فأنت لازم هتاخد مرتب ومرتب يكون مرضي ليك. ولكن في جزء بقى اللي هو بيبتدى أنه يبلانس ما بين الأوفرز اللي هتكون موجودة معاك، ده لو ربنا أراد طبعاً وإنت اتحط قدامك أكتر من أوبشن. إنما في الطبيعية أنت بتدور على إيه؟ أنت بتدور على أن أنت تبيلانس ما بين الإكسبيرينس أو التايب ترافيل اللي أنت هتاخده في الشركة دي بالنسبة لأي شركة تانية.

أنت هتبتدى أن أنت تشتغل فيها، أنا هشتغل في الشركة الفلانية مع كذا وكذا وكذا وكذا، لأن دول أنا عارف أن هما موجودة عندهم حجم إكسبيرينس هيسهل علي وهيخليني أشيفت تايم كبير أوي ممكن أخده في شركات تانية برا. ممكن أشتغل في سولو ديزاينر.

- تمام جداً جداً يعني، خدت وقتها وكفاية الحمد لله. بما أنك بقى لو دلوقتي بتعمل هايرينج لحد أنتري ليفل أو جونيور أو ميد ليفل، وفي المقابل الناحية التانية بتعمل هايرينج لسينيور. إيه الاختلافات اللي هتبقى أنت مستنيها من الجونيور؟ وإيه اللي هتكون مستني من السينيور؟ خلينا نفوكز على السينيور أوي في الحتة دي؟.

- الاختلافات من ناحية الأوتبوت بتاع شغله يعني؟

- أه أنت منتظر منه إيه؟ الكواليفكيشنز بتاعته تكون عاملة إزاي؟ إيه اللي ممكن تقبله وإيه اللي ممكن لا؟ لو فيه بوينت واحدة خلاص يبقى مش هيناسبك في الشغل أساساً.