مستعد تغيير الـ Mindset بتاعتك في التعلم؟ 2

مجال الديزاين ومشاكلة وإيه مشاكل اللي بيدخل المجال جديد

- بعيداً عن بقى الـ Roadmaps وتعالى وروح ويجي لا تعالى بقى في المينتيك نفسها. طيب هنروح بقى للجزء العملي أو التواصل للسوق.. مرحلة السوق وناس كتير أنا بقدم على الشغل وما بتقبلش أنا مش عارف إيه. طب أنت قرأت الـ Description؟ لا.

طب أنت في ناس شاطرة بس بتاخد الحاجات اللي الـ HR منزلنها غلط ويعملوا ميمز عليها بس هو طول النهار بيعمل Easy Apply عشان مايقراش الـ Description أساساً عشان ميملاش فورم. فهل الصح إن أنا أقدم على شغل كتير؟ وفيه جزء تاني من السؤال هاناخده بعدها اللي هو الشركات ما بتردش وحاجات كده فالمشكلة فين؟

- طيب هي شايفينك بتاخد إن المشاكل دي بتكون من أول صفر إكسبيرينس لتلات سنين إكسبيرينس تمام بعد كده هيختفي تمام. لأن انت بعد كده الموضوع بيمشي ريكومينديشنز وهيد هانتينج وضرب تحت الجزام كله بمعنى أصح. مبتمشيش بجوب ديسكريبشن وجوب ابلاينج والكلام دوت. فكرة الجوب ديسكريبشن ما تدورش عليها وهي مكتوبة اطلاقا غير لو الشركة دي بتقبض بالدولار. غير كده هو بتتحط كستامبة ما بيتغير فيها اي حاجة. احنا عايزين حد بيشتغل على التول الفلانية.

احنا عايزينه بيعرف يكون هارد وركر. احنا عايزينه يكون تيم بلاير. احنا عايزينه يكون مش عارف ايه. طب انت عايز واحد تيم بلاير ليه وانا اصلا الديزاينر اللي هيكون وحيد موجود في الشركة. هتعمل بي ايه التيم بلاير في الجزئية ديت؟ هتلاقي حاجات كتير غير منطقية اطلاقا.

انا اتضايق او لأ من ان انا الشركة ما تدينيش فيدباك او ما رجعوليش اصلا بروجكشن او بابروفل او بالكلام دوت. فديه لها اسباب كتير جدا والناس بتتضايق منها ولكن هي ما بتتضايقش اطلاقا. يعني اعتقد في الفترة من الزمن انا قدمت في اكتر من عشرين او تلاتين شركة وانا اوريدي كان معايا اكسبيريانس ومحدش فيهم رد. بس السبب ايه؟ السبب مثلا ممكن تلاقي ازمة اقتصادية.

لغبطة موجودة في الماركت. موسم المفروض ان هو يكون فيه فاندس كتير فهم مش فاضيين للهيرينج دلوقتي. اجازة الهب بتاع الاتش ار. اجازة سنوية للهب بتاع الاتش ار. فمردش لمدة شهره مثلا. ففيه اسباب كتير جدا بتكون غير ان انت اصلا مش مناسب للشغلانة دي.

طب تعال بقى للاسباب اللي انت مناسب لها. انت ممكن تكون مناسب ولكن انت اوبر كواليفايد. انا مش بدور على حد في الرنج دوت عشان انا عارف ان الرنج دوت هياخد مني مرتب اعلى. انا بدور على حد يكون مهتم اكتر باليو اكس مش مهتم باليو اي.

انا بدور على حد يكون مهتم اكتر باليو اي مش باليو اكس. انا بدور على حد يكون بيشتغل بادوبي اكس دي مش شغال على فيجما. فدي كلها عوائق ما هياش تقصير منك. وبنفس الوقت يؤدي للريجيكشن. طب انا الشركة ما ردتش علي. هل دوت انا كده انا مش كويس؟ دي اجابتنا في ان انت تبتدي ان انت تبند الكوميونيتي بتاعتك حواليك.

لما تكون انت موجود في كوميونيتي انت هتبتدي ان انت ترسم بار كده تبقى عارف انت موجود فين فيه. انا الاكسبيرينس بتاعتي واحد اثنين تلاتة. انا شايف نفسي مثلا في حد احسن مني وفي حد اقل مني. انا عارف ان انا بقيت موجود هنا. ده هايرسملك البار بتاع الاكسبيرينس كويس وهتعرف انت مكانك فين عليه. وهايرسملك البار بتاع السالريس كويس وهتعرف انت فين عليه. بس.

- تمام. يعني الجزء دي شوية ان الناس بتاخدها بشكل عصبي اللي هو انا مش ناجح انا فاشل انا مش عارف ايه كلام ده. وانا ببقى متضايق اللي هو انا حصل معايا نفس الموقف اللي انت قلته. قعدت فترة بقدم على شغل. وفعلا ما كانش فيه اي رسبونس بشكل مختلف لدرجة ان فيه ناس بعد ما عملتلي اكسيبت ما بعتتش الاوفر.

فيه ناس بعد ما بعتت الاوفر حصل يوم مشكلة في تعويم تقريبا قالوا مش هينفع نريز. فحصل مشاكل من دي فعلا حطتها بشكل كان ناس من حوالي ستة شهور. وفجأة لقيت فيه ناس انا في الكنسدريشن من ست شهور. لقيتهم بيكلموني. وانت بتعمل ايه؟ احنا مستعجلين.

وفعليا انا في شركة من الشركات عملت فيها اربعة انترفيوز في اسبوع. اللي هو في واحد منهم اتقبلت وانا هناك. قالوا لي بكرة التاني. انت فاهم؟ ده حصل حرفين. فانا متفق معاك مليون في المية ان الناس محتاجة تهدى وتفكر وان الاسباب كلها مش فيها. بنفس الوقت يبقى مجهز نفسه للشغل برضو. يعني مش بيدور على شغل على خمس سنين سنيور. وهو اول مرة يشتغل وعمل مشروع واحد على بيهانس اساسا. فالموضوع بيبقى هزلي في الموضوع ده.

- هو المشكلة في السوق عندنا ان احنا بنترحم على نفسنا اصلا. احنا مش عارفين ان احنا اغلب الوقت بنحط الجوب ديسكريبشن المظبوط. يعني انا واحد من الناس لو جيت علي النهاردة هاهير. فعشان الموضوع هيبقى طالع من عندي فانا هبقى عارف احتياجاتي ايه في التيم. انا عارف الناس اللي تحت مني هتكون الاسبوت اللي نقصاني فين. هل انا محتاج حد سينير ولا انا محتاج حد جينيور ولا انا عندي الوقت الكافي ان انا اجيب حد يكون لسه جديد ولسه فريش فهبتدي ان انا اديله من عندي وفي نفس الوقت هياخد المينتالتي بتاعت التيم من عندنا..

وهتبقى هي جديدة عليه و هتبقى سهلة بالنسباله وهقدر ان انا اديله في الوقت دوت وبعد كده يبتدي ان هو يدخل معانا الكاباستي بتاعت الشغل. انما اغلب الشركات بتدور على الموضوع من ناحية الاتش ار. فالاتش ار معندوش اي فكرة او اغلب الاتش ار اللي من رحم ربي. ما بيكونش عنده أي فكرة الشخص اللي المفروض أنه يجي ده هيكون عامل إزاي؟ هو جاله مشكلة إن فيه shorting في الـ capacity بتاعت الـ UX team أو الـ product design team.

طيب إحنا عايزين نهير حد هنهير حد إيه؟ ما هو ما يعرفش هو حط الـ job description copied من أي حتة أو إنه هو كتبه من الموجود عنده على أساس الـ tools اللي هم بيستخدموها والاحتياجات اللي هم كتبنها بس في نفس الوقت هو مش عارف هو محتاج experience قد إيه. ونقطة تانية مثلا تكون سيئة جدا موجود عندنا هي جزئية الـ salary أو الـ expected range اللي مفروض إن أنا أحط الشخصيات اللي جاية دي عليه.

هو أنت ممكن إن أنت تقول أنا عايز أخذ واحد اثنين تلاتة بس الشركة مش هتقولك هي الـ range اللي مفروض إن أنت موجود بالنسبة للـ position ده قد إيه؟ ودي نقطة سيئة جدا بالنسبة لنا مثلا في أغلب الشركات المصرية أو أغلب شركات الوطن العربي كمان. انا بخض ومعرفش انا في الرنج اللي انتو متوقعينه ولا لا.. طب ما تسهل عليا الامور وقولي الرنج اللي موجوود بتاعتك من البداية.

- وقولي البوزيشن ده انت حاطط ليه بادجت كام وخلاص.

- يعني انا المتاح بالنسبالي من كذا لكذا انا لو متوفق معايا الرنج ده هقولك تمام، هو التخوف بقى ان انا اكون جاي اطلب رينج اقل اصلا وانا عندي الاكسبرينس اللي هما منتظرينها.

وده الجانب السيئ الموجود مثلا عندي، اني اقول حاجة زي كده بس هو دوت التوقع الوحيد الموجود بالنسبالي، اللي هو انت بتخفي الليمت أو بتخفي الرينج دوت عشان انا لو طلبت اقل منه هتحس ان انت خلاص انا عملت حاجه صح. بس كل اللي انت عملته انا هخش الشركة لو انا موجود مده العقد وانا راجل قررت انا التزم بالعقد بتاعي وعرفت بعد كده إن الـ ranges مختلفة بالنسبة للـ market. أنا همشي بعد ما هني العقد لو أنا شخص مش كويس أو أنا مش عايز أكمل العقد بتاعي أو أنا ما عنديش مهنية كافية في إن أنا أكمل العقد بتاعي همشي أول ما يجيني offer تاني من شركة تاني ليه؟ لأن أنت في البداية والنهاية أنت مدتنيش حقي اللي اللمفروض إن أنا أخده من الأساس.

- أنا مببقاش فاهم الـ HR هو مش دافع حاجة من جيبه هو انت بتوفر على الشركة فلوس.

- في بعض الناس بتفتكر إن هو كده يعني أنا عملت جميلة في الشركة أنا قللت الـ cost يعني أنا جبتلكم الـ expectations بتاعتكم بالنسبة للشخص اللي هييجي واللي هيبتدي إن هو يدير الشغل. وفي نفس الوقت أنا قللت الـ cost هي مش منطقية إطلاقا إن أنت تبتدي إن أنت تقلل في الـ salaries عشان تبتدي إن أنت تقلل في الـ cost و هامش ربح كويس. دا آخر حاجة تبتدي إن أنت تفكر فيها لأن أنت ممكن تستثمر في الـ salaries بتاعت الناس وتقللك في الـ cost بتاعت الـ assets والـ tools اللي هم بيستخدموها.

هينقلك في دورة الشغل ممكن في ناس مثلا بتجي في بداية شغلها هي بتفلديد كل number هي بتفلديد كل metric موجود معاها في واحد experienced ممكن يجي هو already عنده طرق تانية ملتوية يقدر إن هو يفليديد بيها ومش محتاج إن هو يفليديد في بعض الأماكن.

ليه making sense؟ ليه أنا experienced وإنت جايب واحد experienced عشان كده جايب واحد senior أو جايب واحد lead أو جايب واحد experienced عشان كده عشان هو عنده خبرة في الجزء اللي هو جاي يشتغل فيه ده اللي هو مش هيشرت عليا الـ time يبقى هو مافيش فايدة من الـ experience اللي موجود عنده.

بص الموقف ده حصل من حوالي خمس أيام كنت برشح حد junior يعني في شركة والشخص لسبب ما أنا معرفهوش قال salary قليل وفي ناس تواصلت معايا من جوه الشركة. أيمن هو أنت اللي قايل ال salary ده قلتله هو كام salary قالي كذا قلتله لا مستحيل. طبعا ليه هيعمل بيه ايه ده؟ فعشان يحطوا الـ CV في وسط الناس اللي مقدمه دربوه في الـ 100% خلوه double عشان بس يبدأ يبقى في الرنج بتاع السوق من كتر ما الشخص مكنش بيتكلم في حاجة منطقية جدا أساسا كان طالب رقم اللي هو مفيش. فدي فعلا حصلت بس من حسن الحظ إن ربنا وقع الشخص ده في شركة محترمة.

- بالضبط. أنا ممكن أقولك في البداية ممكن إن هو يكون مبيدورش على المرتب قوي يعني ممكن إن هو يبتدي يدور إيه أنا مين الـ team اللي موجود معايا؟ أنا موجود مين الـ players دول؟ أنا الشركة دي اسمها عاملة إزاي؟ أنا مين الـ team lead بتاعي؟. دي حاجات في البداية هتوفر عليك كتير جدا أكتر ما هتوفر أكتر ما أنت هتكون بتدور على العائد المادي اللي من وره. طبعا مش معنى كده أنك مش هتدور على المرتب ده إنت هتكون بتدور على العائد المادي اللي من وراه.

أنت مش هتتغدى وتفطر إكسبيرينس. التيم ليد مش هياخدك عنده يغديك. أنت كده كده عليك التزامات وعليك مصاريف وعليك احتياجات مادية لازم هتوفيها، فأنت لازم هتاخد مرتب ومرتب يكون مرضي ليك. ولكن في جزء بقى اللي هو بيبتدى أنه يبلانس ما بين الأوفرز اللي هتكون موجودة معاك، ده لو ربنا أراد طبعاً وإنت اتحط قدامك أكتر من أوبشن.

إنما في الطبيعية أنت بتدور على إيه؟ أنت بتدور على أن أنت تبيلانس ما بين الإكسبيرينس أو التايب ترافيل اللي أنت هتاخده في الشركة دي بالنسبة لأي شركة تانية. أنت هتبتدى أن أنت تشتغل فيها، أنا هشتغل في الشركة الفلانية مع كذا وكذا وكذا وكذا، لأن دول أنا عارف أن هما موجودة عندهم حجم إكسبيرينس هيسهل علي وهيخليني أشيفت تايم كبير أوي ممكن أخده في شركات تانية برا. ممكن أشتغل في سولو ديزاينر.

- تمام جداً جداً يعني، خدت وقتها وكفاية الحمد لله. بما أنك بقى لو دلوقتي بتعمل هايرينج لحد أنتري ليفل أو جونيور أو ميد ليفل، وفي المقابل الناحية التانية بتعمل هايرينج لسينيور. إيه الاختلافات اللي هتبقى أنت مستنيها من الجونيور؟ وإيه اللي هتكون مستني من السينيور؟ خلينا نفوكز على السينيور أوي في الحتة دي؟.

- الاختلافات من ناحية الأوتبوت بتاع شغله يعني؟

- أه أنت منتظر منه إيه؟ الكواليفكيشنز بتاعته تكون عاملة إزاي؟ إيه اللي ممكن تقبله وإيه اللي ممكن لا؟

لو فيه بوينت واحدة خلاص يبقى مش هيناسبك في الشغل أساساً.

- الصغارات اللي احنا أخدناها في السؤال اللي قبله هنعوضه هنا تمام؟ هجيب حد تريينج هو قاعد بيتفرج بيشوف الناس بتشتغل إزاي؟ هجيب حد جونيور هسمع منه الأفكار وهشوف منه التنفيذ تمام؟ وهيبتدى أنه هو يريفين مع السينيور اللي موجود معايا. هجيب سينيور مش هبص وراه، بصيت وراه يبقى يمشي.

- أنت بتقول الحكمة اليوم؟ لا، أنا بقول مش قصدي باختصار أوي للدرجة دي.

- أنا قلتلك أنا هعاوض الوقت بتاع السؤال ده في السؤال اللي قبله.

- لا تمام يعني هاراجع وراك خلاص يبقى أنت مش سينيور مع السلامة بالضبط.

- أنا هاراجع وراك يبقى خلاص ما لهاش لازمة. هتبتدي أن أنت جونيور وهتبتدي أن أنت تشتغل، وهيبتدي السينيور اللي موجود معاك يراجع وراك. المفروض أن أنت بتجين منه. في أحياناً مثلاً هيكون السينيور اللي موجود معاك دوت مش فاضي أو إحنا البايبلاين بتاعت الديفيلوبمنت لودد بما فيه الكفاية.

ممكن أخليك تشتغل معايا أنا شخصياً يعني. نبتدي أن احنا بقى نشتغل احنا مع بعضنا، نأسس سكواد لوحدينا أصلاً على جنب كده صغنن، ونبتدي أن احنا نشتغل فيه. سمية بكاب سكواد مثلاً، وهو هيكون أكتر سوي سايد سكواد، مش بكاب يعني.

حد بقى جاي تريينج. فأنت هتاخدها كعب داير على كل السكوادات. أنا عايزك سفينجة تشرب من كل ناحية.

- يعني. ماشي، سفينجة تشرب. إنت بتعذب الناس معاك في التيم، يا أشرف؟

- والله أنا ممكن أبعتلهم ويدخلو يقولوا.

- لا بلاش أي كلام منك، أنت أحسن. وأكيد لو أنت بتعذبهم فهيقولوا يقولوا كلام حلو، إنت مبتعذبهمش أصلا.

- طبعاً أنت من المؤيدين لي، أم لا قدر الله من المعارضين.

- ولا قدر الله احنا بنفير الناس في آخر الشهر وفاضل 8 أيام.

- والله أنا الشركة عمالة تزين عليا عشان أقلل كوست، فأنا على تاكة.

- يعني. يا جماعة، مين عايز يزعلني؟ طيب، بتواجهك مشكلة أو في موقف معين حصل معاك في حاجة مشكلة ما يعني؟ وإنت بتعمل هايرينج التيم سواء في الشركة اللي أنت فيها أو غيرها. في حاجة معينة وجهتك أو موقف ما غريب حصل مع حد، أي حاجة غير معتادة.

- حاجة غير معتادة، حاجة غير معتادة أن أغلب الناس اللي بتيجي خصوصاً من الليفلز القليلة بتضرب أرقام غريبة بالنسبة لي. يعني أنا ممكن ابقي حاطت رينج بس أنا منتظر أشوف اللي هيجي ده عايز كام ده لمجرد أنه هو يعني نفس الغلطة اللي بيقوم بها الـ HR، ولكن أنا بعملها لمجرد أنا بشوف هوعايز كام؟.

ممكن أنا بقى موافق معاك في الحتة اللي إنت بتقولها دي لما أبتدي هاير أشخاص لسه في بداية الشغل، اللي هو برضو من صفر مثلاً لسنتين أو ثلاثة، لأن الفترة دي في الشغل بتعتبر مطاطة جداً بالنسبة للناس.

في واحد بيجيلك أبيض تماماً، كل معلوماته مثلا بتتلخص في ازاي أتعامل مع فيجما. فيه واحد تاني بتيجي تلاقيه عنده قدرة غريبة في ان هو يتعامل مع الفيجوالز من كيميستري بقى ما بين الطايبجرافي وما بين الألوان وما بين الاسبايسنج اللي موجود تمام؟ وأنت بتبقى مستغرب الموضوع ده جاي ازاي أصلا؟ اللي هو يبني انت لو كملت معانا سنتين هتشيلني وهتقعد مكاني.

فببقى فاتح الموضوع ده بالنسبة له. ولكن الفكرة كلها بقى ان انت بتيجي تلاقي ان الشخصيات اللي جاية مثلا وأغلبها من الشخصيات اللي بتبقى جاية عارف فيجما بس بتسمع منه بأرقام غريبة: أنا عايز 1500 دولار. أنا عايز 2000 دولار. أنا عايز 1000 دولار. ليه؟

- بص بالمناسبة كان في حد سأل مرة على الجروب على الإكساوية يا جماعة أنا..

كان جونيور وقتها. يا جماعة أنا جونيور وجايب وظيفة كذا أطلب كام؟ مفيش ولا كومنت سألوا: طب فين البرتوفوليو؟ طب انت كام سنة خبرة؟ مفيش. كل الناس قالتله أرقام يا جماعة طب انتوا عارفين مين ده؟ ده ممكن يكون أكاونت فيك. الموضوع ماشي بالحب.

- هو كل واحد بيرد من جانب خبرته وللأسف كل واحد فينا جانب خبرته مختلف تماما عن التاني. يعني أنا وانت اهو موجودين أنا وانت متجمعناش في شركة قبل كده مع ان احنا في نفس الماركت وفي نفس الاندستريز.

بس مجمعناش في شركة قبل كده. الشركات اللي انت هتكون اشتغلت فيها ليها ليميت مثلا موجود أو ليها رينج في المرتبات وأنا الشركات اللي اشتغلت فيها ليها رينج تاني في المرتبات.

لو جيت النهاردة احنا الاتنين بنتكلم وفي واحد دخل عنده خمس سنين اكسبيريانس طالب ان هو يعرف المرتب اللي يطلبه كام. انت هتحط رقم وانا هحط رقم. الرقم اللي انت هتحطه بناء على الرينج اللي انت شفته في الشركات اللي انت موجود فيها والرينج اللي انا هحطه بناء على الشركات اللي انا كنت موجود فيها. مين اللي صح؟ ولا انا ولا انت؟

- الاتنين صح والاتنين مش غلط؟

-هو الاتنين صح والاتنين مش غلط، بس الاتنين غلط برضو في نفس الوقت لان الغلطة علينا هي في الماركت في الاساس. هو مفيش ستاندر موجود في الماركت ما انتش عارف تمسك رقم تقول للناس أو ليميت على الاقل رينج من هنا لهنا. اغلب الشركات اللي بقت السعودية اللي بتفتح عندنا دلوقتي ويمكن كمان شركات تانية بعيدا عن الامارات ودبي تمام بتتعامل معانا برينج مختلف تماما عن اللي موجود في بلدها. ليه؟

لان هو بقى شايف ان الرينج اللي موجود في مصر اقل بكتير من اللي هو ايه بيدفعه عنده. بس بقى اللي هو ايه يدفع يعني قول مثلا انا هادفع مرتب خمس تلاف أو عشر تلاف جنيه للديزاينر بتاع مصر. طب ليه؟ مع ان ده مش الستاندر اللي موجود عنده. لا ما هو انت بتوفر علي اي اساس انت جاي اصلا عشان الكواليتي. يعني انت جاي مصر عشان الكواليتي مش هتجيب واحد من بلد تانية مختلف غير عشان كده.

- لا الكواليتي والتوفير. انا شفت ده بنفسي من ناس سعوديين بيحاولوا بيفتحوا ان هاوس بتاعهم كل يوم في القاهرة عايزين ناخد مكتب وفيه اثنين تلاتة قاعدين شغالين بياخدوا بأي عملات تانية غير الجنيه المصري شوية فلوس فكة من غير ما لاقي حد في دولة تانية ومن غير ضرائب من غير تأمينات من غير أي حاجة وحولهم حوالات على ويسترن. انا اشتغلتها قبل كده شغلانة دي.

- بس احنا النظرة دي غلط لان انت لما هتيجي مثلا على حاجة في الكريتيف اندستري دي متنفعش هتيجي على واحد مثلا داتا انتري هقولك ماشي اللي هو شغل الهادوورد مش المايند مش التفكير.

- بس الناس مضطرة اشتغل.

-بعيدا عن مضطرة او لا دلوقتي. يعني فكرة مضطرة دي لوحدها ممكن ان هي تاخد مننا وقت تاخد مننا حلقة كاملة اصلا او ساعة ساعتين نتكلم ان احنا ايه عنها. انما الفكرة كلها ان الكريتيف اندستري اصلا ماينفعش معاها مبدأ اللي هو انا جاي الدولة دي عشان اوفر. كم بلاتفورم موجودة عندنا دلوقتي بتاعة فريلانس منهم اللي جوه مصر واللي جوه الدول العربية واللي جوه واللي بقت انترناشونال واللي موجودة ناحية اوروبا بس واللي موجودة ناحية امريكا بس واللي موجودة ناحية اسيا بس..

واللي جوه اسيا بقى موجود فيه مثلا حاجات في تايوان حاجات في تايلند حاجات خاصة ببقية الدول زي الصين او اليابان او كوريا. فانت مفيش بوردورز موجودة في الاندستري دي اطلاقا. فأنت من اي اساس بتدار على التكلفة؟ انا عارف كده كده التكلفة هتكون ماشية ازاي؟ لان انا قدامي كل الناس اللي بتنافس معايا. خليني بقى اقولها ساعتها بتنافس لان انت خلاص بقيت على platform freelancing تمام فأنت شايف المنافسين بتوعك كلهم أسعار الساعة بتاعتهم كام؟

- أسعار لو طبقناها هنا مفيش حد هينزل من بيته.

- بالضبط فأنت منين بقى بتدور على الcost مش بتدور على الefficiency مش بتدور على الexperience ده جايلي عشان الquality مش جايلي عشان أنا الاقتصاد عندي أو الcost of living عندي أقل من عندك. أنت ممكن تعمل حركة زي دي بس في أنك بتوفر إقامة بتوفر فيزا بتوفر طيران أقول ماشي ده أمر طبيعي ومتعارف عليه في أنك بتهاير حد remotely إنما أنت بتدور على أن أنت تقلل بسبب الcost of living في الدولة دي أقل لا ده منطق غلط تمام. بنسبة 90% الcreative industry في الوطن العربي مش موجود غير في مصر. صعب جدا تلاقي مثلا community موجود بالنسبة للUI UX في قطر أو في الكويت. هتلاقيها community قليلة جدا ونصها مصريين.

حتى في الكورسات والله أشرف أنا بيجيلي ناس أكتر الناس مكانين شرحت فيهم بعد مصر فلسطين وتونس والجزائر مثلا في التلات دول دول. إنما مفيش حد واحد أو اتنين على الأقل من كل دولة بيحضر لدرجة أن أنا كنت مرتب حاجات أن أنا أشرح بجامعة غزة السنة اللي قبل فاتت من كتر العدد اللي كنت أعرفه هناك ناس حضرت. فمفيش community في الدول العربية أساساً موجود الناس كلها موجودة هنا.

- ما بقولك الcommunity هتبتدي أنت تلاقي بتتعدى على الصوابع وفي نفس الوقت هتلاقي نصها مصريين مقيمين هناك فهي دي الفكرة. فأنت ما ينفعش أن أنت تيجي مثلاً تدور على أن أنت هتعمل hiring من مصر وأنا بدور على التكلفة مش بدور على الefficiency مش بدور على ال experience لا امر غلط خالص وتفكيره نمطه غلط في النهاية بيؤدي إن أغلب الشركات اللي بتفتح بنفس الشكل زي ما أنت ما بتقول كده بتقفل.

بتبقى شغالة في الغالب. أنا شفت ده وقعدت مع حد مدير لحاجة زي كده بتبقى شغالة في الغالب بشركة تانية هناك هو تيم قاعد بيشتغل مع شركة تانية هناك فمفيش خالص يعني وشوية وبيقفلو.

- في الحالات بتلاقي أنه التيرن أوفر عالي.

- بالضبط يعني كل 5-6 شهور ناس بتمشي وبيمشوا مفيش ضرايب ولا حاجة فبيقوله تلاقي نفسك شغال على مثلا على تيمز مثلا وتلاقي نفسك معمولك لوج اوت مثلا ومع السلامة على حاجة وفلوسك على وسترن وخلاص.

- فهي دي مساوء الأمر.

- أتمنى يحصل فعلا أي حاجة في السوق في الحتة دي يحكم الدنيا شوية من الشركات ومن الأرقام ومن كل حاجة. خلينا نروح لحتة قبل الأخيرة يعني إيه يعني دلوقتي اشتغلت دخلت الشركة واشتغلت جيت التيم مع أشرف عمران إيه الحاجات مش تكنيكل بقى خلاص أنا اتقبلت أنا شغال تمام وكده كده وأنا بتعين فأكيد في حاجات مش تكنيكال هتقيم عليها بس إيه الحاجات المهمة اللي أنت شايفها سواء جونيور أو سينير أو إيه كان بقى إيه الحاجات المهمة كمهارات اللي مطلوبة في التيم. إيه الحاجات اللي ممكن تخليني أنجح في وسط تيم وأشتغل وإيه الحاجات اللي ممكن تخليني التيم ده قبل 3 شهور ما يجوا يقولوا لي طب إنت مع السلامة وشكر.

- من غير مع السلامة. أنا الحاجة اللي بحبها جدا ويمكن ناس كتير أوي بتكرهها في السوق أنا بحب الجوكرز أحطك في UI ألاقيك أحطك في UX ألاقيك حتى لو أنت هتاخد فترة تعمل سيرش بتاعك وهتاخد وقت مثلا في أول شهرين أو أول 3 شهور في البوزيشن دوت هتتعب فيه وهتبتدي أنت إيه ما بتسلمنيش أوت بوت مثلا ولكن أنت قادر أن أنت تفيت بعد كده فيه.أنا بحب الجوكرز دول جدا.

- المطلوبين يعني التخصصية أنا شايفها على قد ما هي حاجة كويسة على قد ما أنت ماينفعش إحنا أساساً مكناش المجال نفسه مكنش موجود. أنت لو مش بتتشقلب كل يوم مش هتتطور.

- آه بالضبط فالتخصصية تنفع في الكوربريتس قوي اللي هو أنت ترس أنت عارف أنت هتشتغل فين وإيه الجزئية بتاعتك إيه السكواد بتاعتك. أنت مش هتتغير تماماً لحد ما تنهي عقدك وتنهي عقدك دي ممكن تكون على سن المعاش خلاص يعني مش محتاج أن أنت تغيره أصلاً.

إنما بالنسبة للستارتابس الستارتابس ما بتمشيش بالمنطق ده إطلاقاً إحنا ممكن نصح الصبح تلاقي البيزنس تيم أو الستيكولدرز صباح الخير. احنا غيرنا البزنس موديل. آه يا إخوانا فيه إيه؟ الريفيني تشانلز مش ظبطة معانا هتغيرها والبزنس أونرز أو البزنس تيم قالوا مع السلامة. بالظبط خلاص يلا نغير الأبليكيشن كله. إيه ده احنا بنبيع سجاد؟ آه يلا هنبيع ستاير عادي جدا. أمره متعارف عليه.

- بص كنت شغال على حاجة وبعدين قالك لا ده البراند ده فيه مشكلة. فأحنا هنرفع نفس البرودكت بس ببراند جديد بألوان جديدة عشان البراندينج بتاع ده وحش والسمعة مش عارف إيه والكلام ده. الريبراندينج ماشي يعني دي تعتبر سنة. إنما فكرة إن انت خلاص اشتغلت على الحاجة مثلا مدة سنة أو كده وتيجي النهاردة تغير ريفيني تشانلز بتاعتك. كنت ماشي سبسكريبشنز مثلا بقيت بتبيع برودكتس. فدي ضربت الدنيا خالص.

انت عايز بقى ناس تعرف تغير المايندست بتاعتها في لحظة. إيه ده احنا خلاص كده. اه تمام يلا خلاص غير المايندست وغير البرسونا وغير وغير وغير وغير. ويلا هنبتدي من الأول وجديد. افتح سكتش ارت.

- دي دي دي مشكلة كبيرة.

- انا بحب بقى الناس دي.

- طيب يعني انت بتميل للناس الجوكز اللي بيتشقلبوا في البراندينج اللي هو شمر وانزل بالمعنى صح. طيب خلينا ناخد منك شوية حاجات بقى كده. كا ريسورسز؟ فيه حاجات معينة بتذاكرها؟ دايريكشن معين بتوجه للمقالات للفيديوز؟ انا عارف ان كل جزء وكل مكان فيه المعلومة اللي ممكن تفيدك حسب السيرش بتاعك. بس فيه حاجات معينة ممكن تسابورت الناس حتى لو برا التكنيكال. يعني لو خدناها في السوفت سكيلز أو في المينتاليتي أو في المانجمنت أو في البزنس وايز. أي حاجة كريسورس ممكن تطلع الناس من مرحلة فيجما و أوفر انترفيو والحاجات اللي هي طالعين بيها من كورس جوجل.انا آسف ان انا بقول حاجات صريحة يعني.

- هي فكرة الكتب أو الكورسز أو التتوريالز صعبة جدا بالنسبة لي أنا كأشرف. إنما لو جيت على حاجة مثلا هقولك تكنيك معينة إن أنا بتعلم بيه تمام وهو فكرة إن أنا بدور على إيه اللي بيدور حواليني التول أصلا عشان أبتدي أن أنا أشتغل بيه. إيه اللي بيدور حواليني الميثولوجي عشان أبتدي أن أنا أشتغل بيه. مش الستيبس بتاعت الميثولوجي. مش التولز اللي موجودة جوه السوفت وير ده. فأنا هشتغل بيه. لا انهارده فيجما عملت الأوتولي اوت.

طب هو الهدف من الأوتولي اوت إيه؟ هو الباك دور اللي موجود عندنا كدزاينرز بالنسبة للسي اس اس. هي دي الطريقة اللي احنا بنتعامل بيها. فهو سهل عليك جانب بس إن أنت تفكر بطريقة الفرونت اند ديفيلوبر اللي أنت هتشتغل معاه. ال alignment right ال alignment left. طب إحنا الرو دوت هنقلبه اتنين كولو. دي كلها من التكنيكز بتاعت الفرونت اند.

فهو الهدف إن أنت دايما تدور على إيه الورا التول. مش التول نفسها. لما ابتدت الناس تشتغل مثلا بلوتي في الانيميشن كانت معجبة جدا بيه. وأنا كنت واحد من الناس زيك ده معجب جدا باللي بيعملوا لوتي. بس كان بيضايقني فكرة دايما إن أنا مش قادر إن أنا أخد أكشن بيه.

أنا هي التايم لاين واحد. هو أنت بتبلي كأنه فيديو حقيقي. أقادر إن أنت توقف في النص. آه قادر أبوز وقادر أبلي تاني. إنما أنا مش قادر أخد ديسيشن. مفيش تريجر. مفيش كونديشنز موجودة في النص قادر إن أنا أخد عليها أكشن. لما ابتدت تطلع رايف عجبني جدا الكونسبت اللي موجود في رايف.

إن أنا عندي ستيت ماشين قادر إن أنا أعمل واحد اثنين تلاتة. طب انا ليه عرفت إن أنا عندي الحتة دي نقصة؟ لأن أنا عندي احتياج في الأساس هو اللي كان المفروض إن أنا ألبيه. ولو أنا ما ابتديتش إن أنا بتشوف الاحتياج دوت فأنا مش هعرف إن أنا أوصل للتول المفروض إن هي بتلب الاحتياج بس.

فأنا بدور على البيهايند ذا سينس بمعنى أصح.

- طيب عظيم عظيم جدا إن ناخد نحاول نحجم الإجابة في السؤال اللي أنا هسأله ده عشان هو سؤال بيضايقك.اعتبرها كونكلوجن كده. لو حد بي يعني وجهها بشكل عام. الناس اللي بتتعلم الناس تفكر إزاي. كمايند سيت تتعامل إزاي وهي بتتعلم حتى أنا ما بحبش الكلام التكنيكال الكتير. يعني فكرة الكلام التكنيكال ما هو موجود.

أنا ممكن أقسمهولك. ممكن نعملك فريم أو بوردر تمشي كده جنبه بس التكنيكال مش محتاج أن انا أشرحلك الكونتنت كتير. قد ما أشرحلك إزاي توظفه وإزاي تستفيد منه. فأنت ممكن تقول إيه في الجانب اللي مش تكنيكال؟ للناس اللي هو الـ UX Designer أو الـ Product Designer..

- بص هو أنا إجابتي مش هتكون للمبتدئين بس إجابتي هتكون للاتنين للمبتدئين واللي بيشتغلوا معاهم كسينيورز. طبعاً احنا الاتنين هنفلديد مهما كانت عمرك الوظيفي إيه وأنا عمري الوظيفي إيه. طالما أنا مش قادر أقنعك بأن انت غلط وانت مش قادر تقنعني بأن أنا غلط احنا الاتنين لازم هنفلديه الداتا اللي موجودة معانا. ودي معلومة أنا خدتها أو كونسبت أنا خدته من شخصية قديرة موجودة معانا في المجال وأسأبها الله على المعلومات والعلم اللي هي ادتهولنا.

فمبدأ إن احنا ناخد اللي هو لا أنا صح وإن أنا أكون مرتبط برؤية أو أنا مرتبط بالديزاين اللي أنا عملته دي أسوأ حاجة توقع أي شخص عايز تغير الكونسبت بتاع الديزاين. يلا نغيره بس قولي إيه الهدف؟ إيه المشكلة؟ حطيت إيدك على المشكلة إنت هتبتدي أن أنت تشوفها معاي.

لقيت إنه هو الجزء اللي هو بيتكلم فيه مهواش صح قومه لو انت مش قادر تقنعه بأنه هو غلط يبقى أنت معندكش حجة قوية غير الديزاين زي ما هو بيقول. ده في حالة إن أنت بقى بتتكلم بيزنس بتتكلم سينيور موجود معاك بتتكلم يو اكس ديزاينر المفروض أنه هو بيشتغل معاك في نفس السكواد. أيا كان الوضع ماشي ازاي بتتكلم حتى الديفيلبر اللي موجود معاك تمام؟ مقدرتش إن أنت تقنعه يبقى أنت كنت ماشي في طريق غلط ومهما نغيرت ساعتها أنت هتبقى عارف أن أنت بتلم إكسبيريانس زيادة.

أنت بتجين إكسبيريانس زيادة يعني فخليك فليكس خليك راويح.

- أنا هنحط خليك راويح دي على الكفر بتاع الحلقة.

- خليك راويح يا روشدي.

- أنا تفاجئت إن عدت ساعة وشوية.

- الحمد لله.

- الحمد لله إيه؟ أنا قلت دي حاجة هتبقى خفيفة وبتاع. عشان نسجل حلقة تانية فا هنسجل حلقة أطول إن شاء الله.أشرف أنا عرفتك من حوالي سنتين أو تقريبا سنتين وشوية وسمعت عنك كلام كويس من ناس كتير يعني وعرفت ناس كويس حقيقي يعني. فأنا فعليا فعليا بستفيد منك ومن كلامك في كل حاجة.

يمكن أنا بتشقلب في الجرافيك والفرونت إند من 2009 ولكن فعليا في حاجات بستفيد منها كتير في الكلام اللي أنت بتقوله أو حتى في تعاملاتك حتى مع الناس. ممكن شوفنا البريفيت فيه فعلا أنا بتذكرك يعني..

ممكن أنت تشتري دماغ دلوقتي عشان الموضوع بقى شوية فيه شوية هوجة زي ما احنا اتكلمنا. بس أنا هشهدلك والله أنك ما تتأخرش ودي أسرع حلقة اتفقنا واتسجيلت أنت فاهم اللي هو فيه حاجات والله العظيم في الكالندر من قبل رمضان من أول 22 يعني في ناس أنا بتكلم معاها من سنة فاتت.

فأنا بشكرك على المستوى الشخصي اتشرف بيك وإن شاء الله بشكرك على المعلومات اللي أنت قلتها دي. أنا فعليا ما تخيلتش إن عدت ساعة الموضوع مبانش خالص أنه ساعة أساساً أنا قلت 30-40 دقيقة ماكسيمم يعني. فشكراً ليك أشرف واتشرفت بيك جداً

- شكراً ليك وإن شاء الله تسلم جداً.