ايه هو ال ux writing؟ وازاي تبدأ فيه؟

ايه هو ال ux writing؟ وازاي تبدأ فيه؟

- بشمهندس بيشوي اهلا وسهلا بحضرتك. حضرتك بمتابعه البرتفوليو الخاص بيك لما شفت ما شاء الله خبره كبيره جدا في مجال البرودكت ديزاين بشكل عام باختلاف الشركات او زي ما هانقول بأنواع الشركات المختلفه نقول برودكت بيز أو نقول سوفت وير هاوس أو ايا كان التقسيم.. فا في رحله طويله جدا، فخلينا نسمع من حضرتك بشمهندس

بيشوي بدأ منين؟ والرحلة دي بدأت ازاي في ال ux؟ - طيب انا في الاول بس حابب ان انا اشكرك على الفرصه دي انا اول مره بودكاست او اسجل يعني مع حد في بودكاست، فانا مبسوط ان اول مره تبقى معك يا ايمن. طيب خليني كده ابدا بالإجابه على السؤال بتاعك يعني. هو انا بدات يعني بدات رحلتي في الحته بتاعه ال ux وال ui دي من سنه 2011 وانا في الجامعه اخدت 2 كورسيس كده عن اليوزر اكسبيرينس، والموضوع بصراحه شدني جدا لدرجه ان انا بدات رحت للبروفيسور اللي بيدي المادتين وقلتله ان انا عايز اعمل مشروع التخرج بتاعي معاه في ال ux field، اشتغلنا على المشروعات تخرج والحمد لله يعني كنت جايب فيه امتياز. بقيت ان انا امشي في نفس السكه يعني نقول على 2012 - 2013 تقريبا كان الدنيا في مصر مفيهاش حته ال ux او الناس ما تعرفش اهميته، حتى فاكر كان كل ال jobs كانت بتطلب frontend تحت مسمى ال ux يعني مكانوش يعرفوا ايه هو ال ux. كنت بدور كده على مكان اقدر ان انا يعني استفيد من اي حد قعدت تتعلم اي حاجه فساعتها رحت لسلبيليه باشمهندس عبد الرحمن اسامه طبعا هو غني عن التعريف اشتغلت معاه في بدايات سيلبيلية. وبعدين رحت روسطه سوفت وير هاوس معروفة طبعا، بعديها سافرت المانيا كنت بشتغل فري لانسر وفتحت ريبوستا دويتشند.. وبعدين رجعت مصر لما رجعت مصر اشتغلت في الخزنه اللي هي اللي انا لسه شغال فيها لحد دلوقتي. - تمام عظيم جدا جدا لا رحلة مميزة ما شاء الله.. اللي حضرتك قلتها هي شركات كويسه جدا سواء كانت متخصصه في ال ux او سوفت وير هاوس. ريبوستا انا عارفها واعرف ناس من اللي شغالين تيك فيها فهي شركه قويه جدا حقيقي. طيب خلينا ندخل في النقاش على طول بتاعنا فكرة ال ux process بشكل عام احنا عندنا جدل كبير فيها يمكن انا نقشتها مع اكثر من ضيف في البودكاست ولكن الموضوع بيطور كل شويه احنا في مجال متطور اساسا. فا دلوقتي لو حبينا نقول ايه هي ال ux process؟ من وجهه نظرك او حسب شغلك وهل اختلفت بالنسبه لك في السوفت وير هاوس عن البرودكت؟ نظره عامه عن الموضوع. - طيب خليني الاول اعرف ان ال ux هي امبريلا كبيره أوي تمام. داخل جواها او تحتها حاجات كثير من ضمنها ال ui من ضمنها ال customer support او خدمه ما بعد البيع. يعني انا لما اجيء اعرف في ال ux اليوزر اكسبريس هو التجربه تجربه المستخدم بس على المنتج اللي انا بقدمه تجربه المستخدم واقفه على حاجات كتير جدا المنتج بتاعي جزء منها.. فانا هديك مثال صغير لو انا عايز احجز سفر، احجز مش سفر احجز اوتيل تمام فمثلا ممكن استخدم بوك دوت كوم. الاكيبرينس بتاعة بوكينج دوت كوم هي مبتبدأش في الويبسايت، هي بتبدأل لما انا اقول انا عايز اسافر او عايز احجز اوتيل بيني وبين نفسي.. من هنا تبدا اكسبريس بوكينج، وتخلص امتى لما ارجع من السفر اما اخلص رحلتي وارجع. الاكسبريس كلها بتاعه بوكينج في الحته دي.. - يعني الموضوع مش مرتبط بالتصميم بس. - لا مش مرتبط بالتصميم بس انا ممكن اكون عملت برودكت كوريس جدا بس في السابورت وحش جدا.. مش هاقرر ان انا استخدم البرودكت ده تاني فا كده يبقى انا عندي تاثير سلبي في تجربه المستخدم. لما تيجي تسال اليوزر او المستخدم هتقوله ايه رايك في المنتج ده؟ هيقولك منتج وحش جدا عشان السابورت كان كذا مثلا. ال ux هو حاجات كثير جدا جواها الحاجات اللي احنا عارفينها او جواها الحاجات الطبيعيه او الاستبس الطبيعيه اللي بنعدي عليها. لو انا اشتريت منتج انا اشتريت منتج في خدمه ما بعد البيع، فيه ان انا بشوف مدى ااا هيستحمل معايا قد ايه وهكذا كل ده داخل تحت تجربه المستخدم. - يعني خلينا نقول ان الموضوع مش customized او مش موجوده على حته التصميم بس بشكل عام والموضوع بيشمل رحله العاملين من قبل ما يتعرف على المنتج او السيرفس نفسها والتعامل معها لحد ما يخلصها في الاخر. - طيب الجزء الاهم وانا شايف من وجهه نظر المتواضعه ان هو الجزء الاكبر لغطاً في في مصر او في المجتمع العربي بشكل عام هو فكره الريسيرش ده.. لا احنا لو ما عملناش الريسيرش يبقى ما اشتغلناش، اصل انا لو ما عملتش الطريقة المعينه دي او اكتيفيتي دي في الريسيرش فاحنا كده ما طلعناش مشروع لا كده في مشكله.. محتاجين ناخذ الموضوع بخطوات بسيطه عن ايه هو الريسيرش وهنتكلم بعد كده عن الأنواع بتاعته بشكل عام او مبدئيا كده. من وجهة نظر حضرتك يعني ايه الريسيرش؟ وامتى بنبدا نشتغل في الريسيرش؟ امتى لو جالي بروجكت خلاص هروح في حته الريسيرش بقى. - هو جزئيه الريسيرش دي جديده أوي على المجتمع بتاعنا عامه او على الماركت بتاعنا حتى لما اتعرف ايه هو ال ux مكانش فيه ريسيرش موجود. كان مجرد ان انا بعمل بنش ماركينج لمين الكومباتتورز او مين اللي معايا بينافسوني في السوق. عندهم ايه فيتشيرز؟ عندهم كام يوزر؟ وخلاص.. يعني الريسيرش وقتها زمان يعني من حوالي 10 سنين كان مختصر في الحته دي، النهارده انا كشركه بتقدم مهم أوي انها تعرف كل حاجه عن اليوزر بتاعها كل حاجه عن ال customer بتاعها ده يعني حاجه جديده، الحمد لله ان ابتدى شركات كثير تعرف اهميتها الفكره فيها انه انا باجي لازم علشان ابدا اليوزر ريسيرش ده او لازم ابدا يعني اشتغل عليه لازم ابقى عارف كويس أوي حاجات معينه، لازم تبقى عارف ايه المشكله اللي انا بحاول احلها؟ لاوم ابقى انا فاهمها

تمام وبعدين بعد ما انا فاهم المشكله اللي الشركه بتحاول تحلها بالبرودكت بتعها أو بالسيرفس بتاعتها، لازم انا انزل كريسيرشر في الجزئية دي افاليديت البروبلم دي، يعني اشوف هل المشكلة دي فعلا موجوده ولا لا، ولا فيه مشاكل تانيه؟ كتير جدا بيقعوا في المشكة دي، انا جربت مثلا احجز حاجه وما نفعتش تمام فاقول طب انا هاعمل ابلكيشن يحجز الحاجه دي. وبعدين الاقي ان الابلكيشن بتاعي منجحش خالص، سبب من الاسباب انه المشكله دي ممكن تكون عندي انا بس او عند ناس قليله جدا. مش دي المشكله الرئيسيه في الموضوع ده، انا محتاج ان انا افاليديت المشكلة طيب انا عملت فاليديشن للمشكلة هبتدي اشوف اليوزر بتاعي ده عامل ازاي افكر فيه. حلو فا اي شركه بتبقى عارفه هي بتكلم مين؟ يعني هي كل الشركه عارفه انا اليوزر بتاعي مواصفاته كذا كذا. انا باخد المواصفات دي وابتدي احضر competitive research سيرفاي كبير اقدر ان انا ابعته لكل اليوزرز او كل السجمنتيشن بتاعي واخليهم يجاوبوا على السيرفاي ده. طبعا السيرفاي ده ليه مواصفات من ضمنها مثلا مينفعش ان انا احط فيه مكان اكتب فيه، لانه طالما انا دخلت في الكتابه يبقى انا كده دخلت في حاجه ثانيه اسمها qualitative research فا ده quantitative انا بجمع داتا بس. بعد ما بجمعها ببتدي اشوف ايه النتايج اللي طلعتلي؟ فا بناء عليها ببتدي احضر qualitative research بتاعي، فا ال qualitative research يعني انا بتكلم في انترفيوز. فا ابتدي بقى اا validate ال qualitative research بال quantitative research فانا مثلا عملت ريسيرش طلعت في السيرفاي انه 95% من اليوزرو بتوعي مش بيتفرجوا على تيك توك مش بيفتحوا تيك توك خالص.. فانا هحتاج اني اعرف ليه بقى مش بيتفرجوا على تيك توك؟ طب ايه البديل طب هم اصلا بيقعدوا قد ايه على الموبايل ما هو ممكن مبيتفرجوش على التيك توك لان اكتريتهم معندهمش وقت يقعدوا على الموبيل. مثلا تمام ممكن لو انت قرات أو اي حد قصدي يعني قرا الريسيرش الانسايتس اللي طلعنا بيها من 95% دول، يقول اه ده اكيد هما مش بيحبوه عشان كذا وكذا وكذا. فانا با validate ال qualitative research بال quantitative research اللي انا بعمله بعد كده.. بعد كده المفروض ان انا خلاص طلعت انسايتس تمام من الكواليتيتيف ريسيرش ببتدي اشوف مين البرسونا بتاعي مين الشخص ده تمام.. فا ببتدي اديله مواصفات، المواصفات دي خيالي تمام بس هو اليوزر اللي انا بتكلم معاه. فابعرف ايه الجولز بتاعته؟ ايه هي مخاوفه؟ ايه هي التحديات اللي بيقابلها؟ ازاي بيبقى motivated؟ هل هو انطوائي ولا انبساطي؟ هل هو مبذر ولا حريص؟ وهكذا. حاجات كثير جدا بحط على قد ما اقدر معلومات عن اليوزر ده. عشان اما ابتدى اديزاين السوليوشن ابتدي احطه في دماغي.. الشخص ده كبير في السن يبقى وانا بديزاين انا بقيت واخد بالي ان الشخص الكبير في السن ده هو شخص ممكن يكون مش tech oriented.. فلازم اخلي بالي في المسدج اللي بتطلع، اخلي بالي ان كل حاجه تبقى مفهومة بقدر الإمكان. مش هعتمد على استخدامه للموبيل أو للابليكيشنس التانية واقول انه بالفعل عارف الحاجة دي. البوينت بقى انه مفيش حاجه الزاميه وحاجه صح او حاجه غلط في حته الريسيرش. اه الكورسيس ممكن تكون بتقول نعمل 1 2 3 4 بس هي based على البرودكت بتاعي على السيرفيس اللي انا بقدمها لان في تايبز كثيره جدا من الريسيرش فيه طرق كتيرة جدا فانا على حسب انا عايز ايه، عايز اطلع ايه انا عايز اتكلم على اليوزر يبقى هعمل يزور انترفيوز. تمام عايز بيت عايز اعرف اليوزر بتاعي عنده كام سنه يبقى انا عايز ديتا مش هاجيبه اقعد معاه في انترفيو واقوله انت عندك كم سنه؟ طيب انا عايز اشوف اليوزر مثلا بعد ما عملت تيستنج مثلا او انا بعد ما عملت سوليوشن عايز اجربه معاه فعايز اشوف اول اكسبريشن او أول امبريشن ليه على الحاجه اللي انا عملتها تمام. ففي حاجه اسمها five second testing تمام بشوف ايه الانطباع الاولي للحاجه اللي هو شايفها قدامه، فا هي في حاجات كثير هي بتبقى معتمدة على الاحتياج اللي انا محتاجه دلوقت علشان اطلع بانسايتس تيفدني في الستيبس اللي بعديها تمام. - يعني احنا بكل بساطه كده مش ملزمين باكتفتي معينه أو بطريقة معينة يعني حسب النيد الخاص بالبزنس او البروجكت بشكل عام. - بالضبط لكن يعني ملزمين ان الحاجه الميثود اللي احنا هنختارها تكون صح تتعمل صح، لانها لو هتتعمل غلط ده هيأثر سلبي في الريسيرش. - طيب في نفس البوينت برده لو خلينا ناخذ يعني مثلا الجزء بتاع المنطقه العربيه او الشغل اللي موجود في مصر بشكل عام اكيد له طبع مختلف برده عن شغلك مثلا في ألمانيا مثلا .. انواع المشاريع مثلا طريقة التعامل معاها و شغلها.. ايه اكتر الحاجات اللي انت اشتغلت عليها مثلا او شايف ان هي بقت متكررة في المشاريع بشكل استاندر طريقة معينة هل فيه حاجه واجهتك زي كده؟ هل انت اضفت يعني في مره بتفكر مع نفسك حسيت ان في انسايت كده بيقولك ده احنا كل بروجكت تقريبا بيجيلنا بنعمل فيه حاجات معينه؟ هل في حاجه زي كده موجوده ولا مفيش اي حاجه استندر؟ - لا هو مفيش حاجه استاندر يعني لو بنتكلم على اختلاف مثلا ما بين مصر والمانيا فهنتكلم على اختلاف طبيعه اليوزر نفسه، طبيعه الانسان اللي ماسك الموبايل تمام. فمثلا احنا عندنا ناس في المجتمع العربي احنا اكثر ناس بنستخدم الموبايل في اليوم، هما بيستخدموا الموبايل قليل جدا جدا فده انسايت لوحده جبار لما باجي افكر لحاجه زي كده لانسان او ثقافه ثانيه فا دي لوحدها حاجه يعني.. فيه فرق في فرق كبير ما بين البشر في الحته دي. لكن مفيش حاجه مفيش طريقة ثابتة.. - الجزء بتاع استخدام الناس للموبايل بشكل عام يمكن يكون في ناس كثير شغالين مش مدركينها حتى لو هم شغالين على مشاريع ثانيه.. في حاجه زي كده واجهتني من فتره مش بعيده خالص من كام اسبوع، كنت شغال على حاجه لتعليم اللغة العربية في ايطاليا، لقيت انسايتس غريبة هما في حاجه واحنا في حاجه ثانيه خالص احنا لوحدنا. اهتمامتهم والنيد اللي ولي الأمر بيحتاجه عشان هما سنهم صغير فا في اطفال وفيه اولياء أمور.. والحاجة اللي هناك غير اللي هنا خالص. فا دي لفته انتباه الجملة بتاعتك اللي هو لا ماسكة الموبيل مختلفة.. الوقت اللي بيستخدمه في الموبيل هناك. فا دي حاجه انا اتفاجأت بيها في فترة مش بعيدة يعني. - حاجه كمان برده ممكن اضيفهالك ال privacy في اوروبا وفي امريكا والحتت دي كلها يعني هي اول حاجه بيتكلموا فيها.. انه ازاي انا اضمن ان الديتا بتاعتي تروح في حته ثانيه. ال log in يبقى ازاي؟ لما اكرييت اكونت هتحتاج مني ايه؟ لازم تبقى دقيق أوي في الحاجه اللي انت بتطلبها منهم لو طلبت رقم التليفون فانت في الاغلب عارف انك لما تطلب رقم تليفون هو بس عشان ال OTP مش عشان تبعتله ماركتنج كامبينز. لان مفيش حاجه اسمها كده بره، يعني مفيش حاجه اسمها ان انت موبايلك يبقى على طول فيه SMS بتتبعتلك على حاجات اطلاقا. يعني لما بتشوف الناس التانيه او الناس اللي عايشه في بلاد ثانيه بتلاقي انه الريسيرش نفسه بيختلف في حاجات كثير جدا ولكن بيتفق في كل العالم على الطرق اللي نطلع بها الانسايتس. - اللي هو الطرق والاكتفيتز واحده استاندر واحد.. طيب الحته دي لو خلينا بس فيها قبل ما نخرج من الجزء ده هي فكره الكواليتيتيف والكوانتيتيف وان احنا بن valide بالكواليتيتيف هل فيه طريقة معينه مش مستخدمه او مش مشهوره أوي واستخدمتها مره أو في مرة واحدة؟ في حاجة نادرة مثلا من الميثودز استخدمتها مرة واحدة لظروف ما؟ ولا الموضوع كله بالتوازي مثلا؟. - لا يعني الموضوع كله بالتوازي مفيش حاجه استخدمتها يعني، لا حاجه نادره يعني انا كده كده باستخدم الفوكس جروبس في جزء الانترفيوز السيرفيس طبعا، يعني ال five second testing، دي على فكره احنا يعني كلنا بنعملها بس ممكن تكون يعني مش عارفين الاكسبريشن بتاعها. بس دي فعلا حاجه احنا بنعملها كلنا.. - طب خلينا نتكلم عنها تفصيلا سريعا كده. - آه هي الـ 5 Second Testing دي هي بكل بساطة أن أنا لما بدي الـ User يتست Prototype على الموبايل مثلا فأول 5 ثواني لما الـ User بيشوف الـ Prototype قدامه بيبقى بقى في بقى فيشل Expressions. بيبقى في مثلا ممكن الـ User ينفخ مثلا يتنهد يعني ممكن الـ User يهرش في راسه ممكن يسأل أول ما يشوف ممكن يبرق أوي، فكل ده بيدي أول انطباع قبل ما الـ User ما يعرف أي حاجة يعني أنت الـ User قدامه انت لسه ما نطقتش معاه كلمة مفتحتش بقك فدي بتدي انطباع قوي جدا عن الحاجة اللي أنت عاملها دي إيه واقعها على الـ User أول ما يشوفه قدامه.. - كأنك بتتراك الـ User وهو قاعد قدامك. - فدي حاجة احنا كلنا بنعملها على فكرة من غير قصد يعني كلنا بنجيب Prototype بنسيب ثواني كده نشوف الـ User هيعمل إيه؟ ده كلنا بنعمل كده مش حد بيبقى مفكر أنه هو هيسيب الـ User يعني ده الطبيعي بتاعنا فدي أصلا اسمها 5 Second Testing. - 5 Second Testing عظيم جدا أنا ماستخدمتهاش أنا فهمت المصطلح بتاعها بس أنا ما استخدمتهاش قبل كده يعني دي حاجة كمعلومة دي حاجة عظيمة بصراحة. المبدأ الأساسي بتاعنا في الريسيرش أو في أي بروجيكت بشكل عام عندنا محاور أساسية اللي هي الـ Business Goals, الـ User Need, الـ Market Share. أي استراتيجية مبنية على الموضوع ده لأي بروجيكت فلما بنطبق ده في الريسيرش عندنا مصطلح اللي هو الـ User Centered Design أن الـ User هو محور عملية التصميم بشكل عام. فلو هشرح الـ User Centered Design ده للناس أقولهم إيه؟ يعني إيه User Centered Design؟ إحنا عارفينه ماشي بيعمل إيه بقى؟ - ببساطة شديدة الـ User Centered Design هو أن أنا أحط الـ User في كل ستيب أعملها في رحلتي للحلول اللي أنا بدور عليها. دي ببساطة شديدة يعني أنا في الريسيرش أنا بعرفه أكتر بbuild persona في الwireframes بحط الـ insights اللي أنا أخدتها من الـ persona أو من الشخصية اللي أنا بdesign لها حطتها في دماغي وبdesign على أساسها بعدين بتست مع الـ User ده الـ prototype قبل ما يطلع وبعدين بأخد منه insights وبعدين بعدل على الـ prototype أو الwireframes واتايفر يعني وبعدين بتست تاني معاه وبعدين بطلعها. خدت بالك أنا قلت كم مرة الـ User أو كم مرة جبت سيرته دي بس فكرة يعني أنا عايز أقول بس نقطة في الحتة، ناس كتير جدا بيبقى شاغلها أوي موضوع المصطلحات.. - وعلى فكرة سبب أن أنا بسألك السؤال ده هو الـ Concept ده الناس بتمسك المصطلح أيوة أعمل إيه بقى؟ - آه الناس بتقف قدام المصطلح وتحس أن الموضوع صعب أو أن الموضوع تقيل أو أنه حاجة غريبة أو محتاجة بقى دراسة والكلام ده لا هو الموضوع كله بسيط جدا هو الموضوع كله يعني موضوع كله في الـ UX هو إنساني بحت إنساني بحت، أن أنا عايز أحل مشكلة معينة ففي طرق معينة لإن أنا.. وفيه طرق معينة اللي أنا أفهم أكتر عن المشكلة وافهم أكتر عن الشخص المفروض أنه هو عايز يحل المشكلة دي أو عايز أن المشكلة دي تتحل اللي هو اليوزر بس. فأنا بديزاين أو بصمم الحاجة على أساس اليوزر وأساس المشكلة اللي عندي أنا بحاول أحلها. فهو الموضوع كله إنساني زي بالضبط كده هديك إجزامبل بسيط: سينس إن كل حاجة داخل فيها يو اكس في حياتنا، إزازة ميا بلاستيك زمان كان الميا ما بتتباعش في أزايز، كانت الميا في بير والناس بتاخد الميا وتشيلها. يجي السقا يحط الميا يملى الميا للناس. ما كانش فيه أزايز تاخد الإزازة وتمشي بيها وتقعد بيها يوم واثنين وترجع بيها. والكلام ده لما اللي جيه فكر يعمل إزازة ميا قال لك طيب ليه أنا ما أعملش إزازة بلاستيك الكوست بتاعها قليل ونحط فيها ميا. الميا دي تقدر تفضل عايشة فيها لسنة قدام وبغطى الغطاء ده يتفتح ويتقفل علشان مش لازم لما يتفتح لازم الميا تخلص. فيقدر أنه هو يستفيد بالميا دي أطول وقت ممكن ويأخذها يسافر بيها ويجي بيها وسهلة الاستخدام وهكذا. فهو حاول يحل مشكلة تمام. فالموضوع كله أن أنا بس أحط اليوزر في بالي وأنا بحل المشكلة. لو أنا ما عملتش ده يعني المنتج اللي أنا شغال عليه أو السيرفيس هتقع. - أول حاجة عمتاً بشكل عام بعيداً عن اليو اكس كنت بتكلم مع الناس في مرة كده في زي meet up وبقولهم هو أنت لما بتروح تمسك بروجيكت حتى لو أنت شغال سيلز لو أنت شغال كول سنتر لو أنت شغال أي حاجة فأنت بتعمل حاجة أو بتقرأ الواقع اللي موجود أو بتسلم الحالة بتاعة المشروع اللي أنت واقف عليه عشان تفهم هو إيه اللي مطلوب وإنت واقف فين عشان تكمل. فطبيعي في شغلنا أن أنت هتفهم الأول هو إحنا فين وبمعنى صح الستيك هولدر ميتينج فيه شوية استراتيجية فبنفهم المشكلة ونبدأ نروح ليها بقى للتنفيذ. بالنتيجة زي ما قلت كده فكرة أن أنا بجيب مثلاً كوانتيتيف مثلاً وبقارن بالكواليتيتيف مثلاً وهكذا. فالموضوع كله واقف على أنك تفهم المشكلة. أعتقد كان فيه مقولة على ما أتذكر لمديا ستوراتي كان بيقول أن لو أنا عندي بروجيكت هاخد فيه 60% من المشكلة بتاعتي 60% من الوقت بتاع المشروع أن أنا أفهم بس مطلوب مني إيه. التنفيذ سهل. الفكرة في الفهم في حل المشكلة نفسها. - آه دي على فكرة دي نقطة حلوة جداً وحابب أن أنا برضه أقولها للناس عموماً أنها تستثمر وقت كافي جداً تفهم المشكلة بالضبط. تفهم المشكلة وتعيشها لو أمكن وتحس بيها كويس جداً علشان تعرف فعلاً تطلع الحل أو السوليوشن صح أو الأقرب للصح يعني بلاش نقول صح لأنه الصح بس دي مش عارف اسمها كده. لكن الأقرب للصح. - طيب إحنا تكلمنا بشكل كويس عن الجزء المفاهيم والناس تتعامل إزاي. خلينا نروح للجزء بتاع التولز يعني في ناس كتير بتسأل على الجروبات على السوشيال ميديا هو إنتوا بتعملوا تراكينج لليوزرز إزاي؟ يوزابيل تيستنج إزاي بتعمل إيه؟. فخلينا نلست كده أشهر التولز المستخدمة في حتة الريسيرش بالنسبة لليوزر يعني بشكل عام. - طيب أنا خليني قبل ما جاوبك على حتة التولز اللي بنستخدمها كأدوات يعني سوفتوير أو أدوات ملموسة خليني أقولك إنه في أداة مهمة جداً لازم تبقى في الديزاينر وهي الإمباثي. لازم الشخص ده يبقى عنده تعاطف كامل مع اليوزر تعاطف كامل مع الناس. يعني أنا عندي اعتقاد إن الشخص اللي ما بيحبش الناس ما يقدرش يبقى يو اكس ديزاينر. - دي جملة حلوة بصراحة أنا أول مرة أسمعها بالشكل ده. - لأنه المفروض اليو اكس ديزاينر ده هو إنسان أولاً وأخيراً هو شخص بيدور على حلول المشاكل. فلو أنا مش متعاطف معاك في مشكلتك مش هعرف أحلهالك. فدي أداة مهمة جداً وحتى ناس كتير لما بتيجي تتكلم معايا أو في الهايرينج أو كده لما بجي أتكلم مع الناس في حتة الريسورش لما بلاقي الناس اللي قدامي فعلا معندهاش إمباثي فبحس إنه دي مش منطقته أو ممكن تكون الحتة دي محتاجة ديفيلوبمنت أكتر تمام. بس مبدئيا أول أداة لازم تبقى موجودة هي الإمباثي. رقم واحد نيجي بقى للأدوات اللي بنستخدمها في الريسورش معندناش أدوات معينة نستخدمها في الحاجة أو مش لازم تبقى الأداة بيرفكت عشان نستخدمها إطلاقا. طيب هديك إجزامبل مثلا في اليوزر تيستنج فيه كذا سيت أب فيه أن أنا بجيب اليوزر وبيبقى قاعد قدامه اتنين واحد بيحرك يعني بيشتغل شغلانات الكمبيوتر يعني أو شغلانات الأب نفسه أنه يبقى بينتراكت حسب ما اليوزر بيعمل. والتاني يكون الشخص اللي بيأوبزورف اللي عمال يكتب ويعمله كده. فدي ممكن تبقى قاعدة. ممكن حاجة تانية بناس ممكن تكون معاه فلوس أكتر مثلا فبتجيب كاميرا تصور اليوزر تيستنج تجيب شاشة كبيرة تعرض عليها البروتوتايب اللي هو بيتست بيه فيبقى بيتشاف أكتر وبدوس فين هي على حسب بس.. الـpoint إنك فيه مبادئ معينة لازم تتعمل في كل method دي مفروض إحنا ما نطلعش عنها لكن الـenvironment إزاي عادي ممكن ناس على قد يعني ممكن كل واحد يدوس حسب مقدرته تمام. فخليني كده نشيلك واحدة واحدة لو بتتكلم مثلا على اليوزر انترفيوز أنا بفضل أتكلم face to face. طيب أنا مش لاقي يوزر هعمل إيه؟ لا لازم هتلاقي يوزر مفيش حاجة اسمها مش هتلاقي يوزر تمام. في إنك أنت عايز تشوف الناس مثلا اللي هم مثلا بتعمل حاجة للعلاج مثلا فأنت ممكن تروح أي مستشفى حكومي تقعد في أي دور تحكي مع الناس أنت كده بتاخد insights تمام. ممكن تعمل يوزر انترفيوز بالتليفون المهم إن اليوزر انترفيو نفسه يمشي صح يمشي صح جواه هو يعني طريقة كلام كسماع لليوزر كتسجيل الـinsights كويس الكلام ده كله. دي مثلا يوزر تيستنج أنا قلت اتكلمت فيه السيرفيز والله بقى بجوجل فورم ماشي بسيرفي مونكي ماشي بأي تول مش مشكلة المهم إن هو يتعمل صح ويبقى الغرض منه يتحقق. فأنا مش مع إن احنا نركز في إنه لازم كل حاجة تبقى perfect ويبقى كل الـsetup زي الفل لا خالص. لو عملت كده مش هعمل حاجة. لو فكرت بالطريقة دي مش هعمل حاجة. لا أدوس مع نفسي أنزل واروح أتكلم أجرب مش عارف أعمل يوزر تيست مش عارف أجيب اليوزر عندي أروح له أنا. - طيب لو خلينا ناخد بس مسميات بسيطة كده للتولز مثلا بنجيب بيها نقول مثلا كواليتيتف والكوانتيتف. احنا قولنا مثلا في الكواليتيتف قولنا اليوزر انترفيو والريسرش والجزء ده. لو بنتكلم في الكوانتيتف مثلا إيه التولز اللي ممكن تديني insights بشكل سريع يعني ممكن تبقى جوجل فورم مثلا ببساطة ممكن تبقى سيرفي مونكي مثلا وأنا عايز أعمل سيرفي دول أكتر اتنين يعني ممكن الناس بتستخدمهم ناس عرفاهم. - طيب ده كده الجزء الخاص بالمفاهيم ولو بنتكلم عن الأدوات برضو فده جزء عشان يساعد الناس تروح فين وتيجي منين وتبقى مش ملتزم بحتة إنه هو أداة معينة قد ما بتطبق اللي أنت محتاجه زي ما حضرتك وضحت. فيه نقطة بعد كده احنا مفتقدين الحتة دي. وكان اتكلم عنها عبد الرحمن أسامة. فكرة ان احنا مش بنعرض الشغل للعميل زي ما بنعرضه في البرزنتيشن على بيهانس. ودي مشكلة كبيرة. أنا بشوفها حد جايب حاجة في فايل وورد وحد جايب حاجة سكرينشوت مش عارف من إيه. مع إن التولز اللي موجودة دلوقتي ما كانتش موجودة من خمس سنين. لما كنت بتكلم عن الموضوع ده مثلا في 2014 ما كانش فيه فيج جام وما كانش فيه مثلا إنفيجن أب ما كانش فيه مورال ما كانش فيه الكلام ده. على الأقل مكنش وصل لنا حتى لو كان موجود. فالفكرة بتاعت الناس بتهم إن أنا هشرح الـ UX Case Study للناس اللي بتسكرول فيها كتير على بيهانس دي. بس لما بتيجي بتبرزنت شغل الكلاينت اللي هو المهم بالنسبالي من وجهة نظري يعني. فأنا بقصر في الحتة دي. فجزء الريسيرش هل فيه ريبوت معين نعرضه بيه هل فيه مثلا فورمات يفضل إن أنا أوصله للعميل بالشكل ده كستيك هولدر يعني. - تمام هو عمتاً النقطة دي نقطة مهمة جداً ده أنا حتى بقابله يعني وقابلته في شغلتي إن الناس فعلاً تكون عاملة بورتفوليو هايل يعني مثلاً لما تيجي تقولها طيب وريني اللي أنا طالبه مثلاً فتوريك الشغل بطريقة عشوائية أو بطريقة مش منظمة أو كلام ده فأنا نفسي إن الناس أو الديزاينرز عموماً يعتبروا إن الشغل اللي بيطلعوه للعميل أهم مية مرة من البورتفوليو، لأن البورتفوليو يعني كهايرنج مانجر يعني أنا بأخذ فيه بالظبط من دقيقة لدقيتين عشان أقيم الحاجة اللي قدامي. فأكيد أحسن إن الديزاينرز يستثمروا مجهود أكتر في الحاجة اللي بتطلع للعميل عن البورتفوليو بتاعهم طبعاً مش بقول البورتفوليو يبقى وحش بس الأهم ليك كديزاينر هو الشغل اللي بتطلع للعميل بعدها بقى هتحطه في بيهانس ما دام انت عايزه في حاجة تانية. طب معلش كان إيه السؤال بقى تاني؟ - فالجزء بتاع يعني الناس بتتعامل بحتة إننا هنبريزنت الشغل بيهانس مش بتبريزنت الكلاينت الستيك هولدر يعني.. - آه إنت كنت سألتني فيه تمبلت أو فيه حاجة معينة في حتة الريسيرش فيه تمبلت كتير موجودة على الإنترنت يعني لو عملنا يوزر ريسيرش تمبلت هنلاقي فيه تمبلت كتير. لكن الأهم منها أنا لازم أبقى فاهم أكتر هو السيك هولدر ده عامل إزاي؟ عايز يسمع ايه؟ لما بكلم ببرزنت الـ CEO غير لما برزنت لـ Tech Lead غير لما برزنت لـ Head of Product تمام؟ لأنه كل واحد فيهم عايز يسمع حاجة معينة لكن أنا بالنسبة لي في الريسيرش عموماً بيبقى فيه حاجات ثابتة دايماً اللي هي زي مثلاً أول حاجة إيه الريسيرش جول بتاعي؟ إيه فايدة الريسيرش اللي أنا بعمله ده؟ لازم ده يبقى محطوت قدامي في جملة واحدة لازم الجول يبقى متحدد. إيه هي ريسيرش كويستشونز؟ إيه هي؟ كده كده في أي ريسيرش بعمل كويستشونز إيه ريسيرش كويستشونز اللي أنا عندي؟ طيب مين الناس؟ مين السيجمنت اللي أنا كلمته؟ طيب إيه الانسايتس اللي أنا طلعت بيها؟ إيه الأرقام اللي أنا طلعت بيها؟ كم في المية كذا؟ كم في المية كذا؟ طيب إيه الكريتيكل بوينتس اللي أنا طلعت بيها من الريسيرش ده؟ نقطة كمان مهمة جداً أنها تتضاف مهمة لي كديزاينر أكتر من الستيك هولدر هو أنه أقول إيه الأسامشنز بتاعتي؟ وإيه اللي حصل؟ يعني أو إيه الحاجة اللي أنا اتفاجئت بيها في الريسيرش؟ يعني زي مثلاً أنا قلت مثلاً إنه اليوزرأنا بحط أسامشنز إنه اليوزر بتاعنا ما بيشربش مياه غازية تمام؟ اكتشفت في الريسيرش إنه كل اليوزرز بيشربوا مياه غازية. فأنا كنت بأسيوم كده وطلع كده. ده ليه مهم ليا كاديزاينر علشان أبتدي أعمل مونيتور مع نفسي. أنا أد إيه قريب أو بعيد من اليوزر. النهاردة أنا قلت خمسة أسامشنز الخمسة طلعوا غلط. المفروض أن بكرة يبقى أربعة غلط واحدة صح. مفروض بعده يبقى ثلاثة غلط واثنين صح وهكذا. ده بشكل عام التيمبلت المهمة أوي أن يبقى فيها الأجزاء اللي أنا قلتها. - بالمناسبة كنت عايز أسألك على نقطة. أنا دايما بقول للناس أنت لو ما حصلش إتريشيان على البوست بتاعك فأنت ماشي غلط. يعني فكرة أنك تحط أي أسامشن أو جزء معين من الإنسايت في الأول وتكمل عليها للآخر من غير أي إتريشيان. أبديست بتحصل في السيستم أو كده فأنت ماشي غلط. فأوجه نظرك إيه في الجزء دي؟ - أصدقك أن أنا أخد إنسايتس فأغير في الأول. - أول مرة خالص استلمت الريكويرمنت من السيك هولدر عملت ريسيرش بشكل ما عليها ومسكت فيها مش هتغيرها. هي دي. - آه. لا يعني لازم برضو الديزاينر يكون مرن. البروسيس فيها مرونة. لأن أنت حتى في مصر بالذات أنت في ماركت متغير جدا. يعني أنت النهاردة عندك رولز عندك حاجات معينة عندك باث أنت ماشي فيه. ممكن بكرة أو بعد يومين يتغير خالص. تمام؟ فده مثلا عكس بره. يعني بره لا بره في رتابة في الحتة دي. إنه هم بقالهم سنين بيشتغلوا بالطريقة دي بالأسلوب ده مفيش حاجة بتتغير. إحنا لا دي بتغير فأنا محتاج دايما أبقى أبتديت بكل حاجة بعملها في البروسوس بتاعتي. فده شيء مهم جدا. مهم جدا جدا. - في توجه كبير يعني أعتقد أغلبية الناس اللي بتقدم محتوى بتدعمه. فكرة أن احنا عايز حاجة أدخل شوف كورس شوف كراش كورس كده سريع شوف فيديو والموضوع بيخلص. ولكن الناس مش كل الناس أو مش الأغلبية المتعودة على موضوع الكتب. فهل في كتب معينة في جزء الريسيرش أو في اليو اكس بشكل عام؟ ده تبقى ريكومندشن أن احنا توصل بيها في الجزء ده؟ - بالنسبة لموضوع الكتب في كتاب أنا شايف أنه ما حدش جاب سيرته قبل كده. وشايف أنه كتاب مهم جدا قبل بقى ما أعرف البروسيس وأعرف بقى كواليتيتف ولا كوانتيتيف ولا الكلام ده كله. هو كتاب اسمه 100 Things Every Designer Needs to Know About People. الكتاب ده هايل هو 100 شيء المفروض أن كل ديزاينر يبقى عارفه على الناس. الكتاب متقسم حاجات كتير مثلا: إزاي الناس بتشوف؟ إزاي الناس بتقرأ؟ إزاي الناس بتفتكر؟ إزاي الناس بتفكر؟ إزاي الناس بتركز؟ إزاي الناس بتبقى متحمسة؟ إزاي الناس بتحس؟ وطبعا فيه حاجات تانية كتير. فده كتاب مهم أوي لأنه بيتكلم عن الـ Psychology of Design. إن في حاجات كتير إحنا بنعملها في حياتنا هي مرتبطة بتكويننا. ولازم الديزاينرز يبقى عارفينها عشان بتأثر في الـ Solutions اللي بيطلعوه. يعني هم بيعملوا ديزاين للحاجة لازم ياخدوا في اعتباراتهم حاجات كتير. الكتاب ده لامم حاجات كتير جدا من الحاجات دي. الميزة في الكتاب ده كمان إن كل حاجة بيتكلم عليها هي في صفحة ونص تقريبا. وبيعمل تيكاويز كده في الآخر اللي هو أنت حتى الصفحة ونص اللي هم الصغيرة دي هتتلخص في نقطتين. فأنت مش لازم تقرأ قوي كل الكلام لو الكلام كتير مثلا. فممكن تقرأالجزء اللي في الآخر. كتاب مهم جدا وأنا شخصيا فرق معايا جدا أنا أفهم البشر بشكل عام وبشكل دقيق برضو فرق معايا جدا. - طيب أستأذنك بس لو تشير معايا اللينك ونزله في الديسكريبشن للناس بحيث أنه لو حد يشوفه تبقى حاجة كويسة يعني. - آه طبعا في نقطة برضو أنا عايز أقولها في حكاية الكورسات والكتب وكده. أنا بشوف أن الناس اللي داخلها جديد في المجال بتضغط نفسها قوي في موضوع الكورسات والكتب. هو الموضوع مش موضوع كورسات ومش موضوع أن أنا أخد كورس جوجل وأخد كورس في مش عارف إيه ولما الاقي كورس تاني طلع اروح أخده. هو موضوع ممارسة. هو عامل بالضبط زي حكي قصة في فيلم المخرج بيحكي تمام. في حكاية بتعجبك وفي حكاية متعجبكش. في طريقة حكاية بتعجبك وطريقة تانية متعجبكش. ده الفرق بين مخرج ومخرج. البوينت كلها أنه معلش الجمل راحت مني. احنا بنتكلم على إيه أصلا؟ -لا عادي واحدة واحدة. الموضوع ببساطة كده فكرة الناس مرتبطة بموضوع الكورسات بشكل عام يعني وهكذا. - آه بالضبط. فاللي أنا كنت عايز أقوله أنه.. - مايركزوش مع الكورس وخلاص. هو تراك واحد يمشو عليه والدنيا خلاص. أنا من وجهة نظر الحتة دي.. - أنا شايف أنه هو الممارسة هي أهم حاجة. يعني الاكزامبل اللي بتاع المخرج هو أنه المخرج دوره أنه هو يحكي القصة. اتعلم في معهد، اتعلم في جامعة، ما تعلمش مش مشكلة. هي المشكلة إزاي هو بيحكي. فهي دي نفس البوينت في ال designer أنك إنت عايز تحل مشكلة. مارس، مارس الطرق اللي فيها أنك تقدر تحل مشاكل أكتر ما تاخد كورسات. - يعني الموضوع ماشي نقول إن إنت محتاج تجرب وتتعلم براكتس كتير بقى في الأول عشان يبقى الموضوع كتير. - أخذت كورس، قاريت كتاب عن ال user research حلو. وقف قراية. مش لازم تقعد تضيع وقتك كله في القراية وكله في الكورسات. لا، وقف ده وابتدي أطبق الكلام اللي إنت قريته ده أو اللي إنت أخدته في كورس. أطبق في الحقيقة، انزل مع نفسك وابتدي تشتغل. ده بألف كتاب في وجهة نظري يعني. - هي الجزء ده مهم جدا حقيقي. والناس ضغط نفسها كتير. يمكن أنا شغلي في جزء الكورسات ده مستمر من فترة طويلة، فعشان كده بشوف الحتة اللي حضرتك قلتها دي فكرة الناس ضغط نفسها. طب كورس جوجل، طب أنا هروح منحة يوديستي بقى عشان خلاص أنا كورس جوجل مبقاش نافع. أو اللي أخد كورس جوجل وحالف ليطبقه في مصر بالعافية. وفي حاجات هم ضغطين نفسهم بشكل ما يعني حقيقي. بس أنا شايف إنه وجود منتورز على منصات دلوقتي ده حل كويس. مكنش موجود من زمن يعني من كم سنة بس مكنش موجود. مكنش متعارف عليه بالشكل ده بالضبط. دي حقيقة. طيب بعد جزئية الكتب هو المفروض أننا وصلنا لنقطة النهاية بس في سؤال الناس بتسميه كده إيه رخامة. الناس بتبدأ إزاي في المجال؟ السؤال ده تقريباً أكتر كيوورد على سيرش في العالم. نبدأ إزاي في المجال؟ لو حد سألك السؤال ده وبعتلك ماسج بيقولك بشمهندس، أبدأ إزاي في مجال اليو اكس؟ أنا سمعت عنه كويس. هتقوله إيه؟ - أنا بتسأل السؤال ده كتير جداً وبحاول كل مرة أن أنا أخلي إجابتي أوضح من المرة اللي قابليها. بسأل الشخص ده بقوله أنت interested في إيه؟ يعني أنت ليه عايز تشتغل في حاجة زي كده؟ فلما بلاقي أن الراجل فلما بلاقي إن إنه عايز يحل مشاكل أو عنده أفكار فببتدي أقوله طيب أنت ممكن تبتدي تقرأ عن إزاي تحل مشكلة، اقرأ عن اليوزر ريسرش بس لما تيجي تقرأ لازم تطبق الكلام ده. الجزئية الثانية في الموضوع ده هو حتة ودي بتقابل الناس كتير كده وده طبيعي، بدأين في المجال الجديد، عايزين يشتغلوا ومعندهمش بورتفوليو هم ماشتغلوش عشان يحطوا شغلهم في بورتفوليو. فدي حلها بسيط أوي أن كل واحد لسه بيبدأ آه آري وجاهز أنه يشتغل بس مفيش شغل وعايز يعمل بورتفوليو ببساطة شديدة يختار أو يفكر في تلات مشاكل يحلهم ويمشي بالبروسيس زي ما هو ما آري وزي ما هو ما عارف وزي ما هو شاف وكل حاجة ويمشي بالبروسيس عادية ويطلع في الآخر السلوشن بتاعه ويحط الكلام ده في بورتفوليو. وطبعاً لو هو UX Designer غير لو هو UI Designer غير لو هو UX UI Designer بس. - احنا محتاجين نتكلم عن حلقة في الموضوع ده فيختلف المسميات. -آه فالبوينت كلها في حتة البورتفوليو دي أنه مهم جداً لو هو شخص بيركز على UX يبقى لازم البورتفوليو بتاعه يبقى عبارة عن ريسرش يبقى عبارة عن واير فريمز تمام إزاي وصل من الـ Problem للسلوشن ده. وأنا مش شايف ألوان قدامي يعني دايماً بنصح الـ Designers اللي بيتكلموا معايا اللي هو UX Designer بيجبلي البورتفوليو بتاعه فلاقيه UI محطوط أو لأ شيل UI ده. أنا كـ Hiring Manager لما الاقيه أن أنت حاطت UI معناه أنك بتقوللي بص أنا بزغلل عينك اهو بحاجة جامدة عشان تشوف أن أنا جامد رغم أن أنا مش عايز ده خالص. أنا مش هقولك اشتغل UI Designer هأقولك اشتغل UX Designer. فدي برضه نقطة تانية أن الناس بتعتبر أنه طالما هعمل بورتفوليو يبقى لازم أكون جامد في UI علشان أعجب أو أحط على بيهانس أو دربل إطلاقاً. الـ UX Designer مش مطلوب منه خالص أنه هو يحط على دربل أو بيهانس. - المطلوب منك تكتب داتا أو إنسايتس وفي أكتيفيتس. - أنا عندي مشكلة حلتها إزاي فكرت في إيه ده الـ UX Designer. يعني رجوع لموضوع البورتفوليو تاني للناس اللي لسه دخل في المجال هو تلاتة بروجيكس كفاية يشتغلوا فيهم ويعملوا تستنج وينزلوا ويجربوا ويمشي في البروسيس بالضبط مظبوط. دي أهم حاجة بالنسبة للـ Hiring Manager مش أهم حاجة أنه هو يكون اشتغل قبل كده أو أنه يكون بس فاهم أو عارف لأنه الفهم والمعرفة أنا ممكن أجيبهم واحفظهم وكده لكن مهم أن أنا أكون مارست الحاجة دي. بس فدي نقطة مهمة جداً عظيم بصراحة للجزء الأخير ده أنا بشكرك عليه بصراحة بشكل شخصي يعني قبل أي حاجة. - طيب إحنا وصلنا لنقطة النهاية أنا بشكل شخصي اتشرفت بيك لكن أول مرة نتكلم ونتواصل بشكرك أنك قبلت الدعوة وبشكرك على وقتك ومجهودك رغم عارف أن وقتك ومسئوليات كتير. فبشكرك جداً جداً تاني وشكراً على المعلومات اللي أنت قلتها كلها وأتمنى لك سنة سعيدة بإذن الله. - أنا بشكرك جداً يا أيمن أنا آسف جداً إحنا أخدنا وقت كبير قوي علشان نتكلم النهاردة إحنا بقالنا كتير بنظبط في الموضوع ده فمعلش يعني لا عادي دي بتحصل عادي وأنا بجد مبسوط أن احنا اتكلمنا وإن شاء الله نتكلم تاني ومشكر جداً مشكر جداً. - العفو جداً جداً واشوفك على خير. - إن شاء الله كل سنة وانت طيب.